شمالي کوریا د نړۍ د ټولو خبرداری سره سره یو ځل بیا بالستیک توغندی وازمایه
شمالي کوریا د هیچا نه ډار نلري.
شمالي کوریا د نوي بالستیک توغندي د ازمایلو سره سویلي کوریا او جاپان ډیر اندیښمن کړي دي.
د جاپان لومړي وزیر شینزو ابې وویل چې شمالي کوریا یو ځل بیا یو منځ واټنه بالستیک توغندی وازمایه. هغه ویلي دي چې د شمالي کوریا مسله به د جي ۷ سازمان د هیوادونو غونډې ته انتقال کړي.
د بله پلوه سویلي کوریا اعلان کړی دی چې شمالي کوریا یو ځل بیا یو نامعلوم ډوله منځ واټنه بالستیک توغندی وازمایه. سولی کوریا ویلي دي چې شمالي کوریا توغندی د توپچانګ د سیمې نه توغولی دی.
توغندی د توغول شوي سیمې په ۵۰۰ کیلو مترۍ کې د جاپان د ازادې اقتصادي سیمې په شاوخوا کې لویدلی دی . سویلي کوریا ویلي دي چې توغندی ۵۶۰ کیلومتره ارتفاع ته رسیدلی وو.
شمالي کوریا هم پرون د ماسپخین په ساعتونو کې د یو منځ واټنه توغندي د ازمایلو نه خبر ورکړی دی . شمالي کوریا ویلي دي چې توغندی د هیواد د شمال لویدیځ سواحلو نه توغولی دی.
شمالي کوریا پداسې حال کې د بالستیک توغندیو ازمایښتونو ته دوام ورکوي چې امریکا ورته څو ځله ګواښ کړی دی . امریکا په وروستي ګواښ کې ویلي وو که چیرې شمالي کوریا د بالستیک توغندیو او یا اټومي وسلو ازمایښت ته دوام ورکړي خامخا به يي په اړه ګام اوچت کړي.
اړوند خبرونه
د مالیزیا سمندري ځواکونو اړوند د دوو چورلکو د جنیګدو له امله لږ تر لږه لس تنو ژوند د لاسه ورکړ.
په مالیزیا کې د رسم ګذشت پریډ لپاره د تمرین پر مهال دوه چورلکو په هوا کې سره ټکر کړی دی