اوباما په یو کنفرانس کې د ګډون او وینا په بدل کې ۴۰۰ زره امریکايي ډالره اخلي
د امریکا متحده ایالتونو پخوانی ولسمشر باراک اوباما د ۴۰۰ زرو امریکايي ډالرو په بدل کې د یو شرکت په غونډه کې وینا کوي.
د امریکا متحده ایالتونو پخوانی ولسمشر باراک اوباما د ۴۰۰ زرو امریکايي ډالرو په بدل کې د یو شرکت په غونډه کې وینا کوي.
د امریکا د خبري رسنیو د خبر له مخې د کانتور فیتزجرالد شرکت چې د وال سټریت په مالي مرکز کې فعالیت کوي ویلي دي چې پخواني ولسمشر باراک اوباما ته به ددوې په یو کنفرانس کې د ګډون او وینا په بدل کې ۴۰۰ زره امریکايي ډالره ورکړي.
د ویلو ده دا کنفرانس چې د روغتیا په اړه دی د سپتمبر په میاشت کې جوړیږي. باراک اوباما به پدې کنفرانس کې ګډونوالو ته وینا وکړي.
اوباما د اصلي ویناوال په توګه پدې کنفرانس کې ګډون کوي.
د یادولو وړ ده چې د امریکا پخواني ولسمشر باراک اوباما په ۲۰۰۸ کال کې په هیواد کې د مالي بحران نه وروسته د اقتصادي ستونزو اصلي لامل د وال ستریټ په مالي مرکز کې فعالیت کوونکي شرکتونه په ګوټه کړي وو. هغه ویلي وو چې په امریکا کې ډیری اقتصادي ستونزو د یادو شوو شرکتونو د فعالیتونو نه سرچینه اخلي. هغه د وال ستریت شرکتونه مسئول بللي وو.
د امریکا متحده ایالتونو پخوانی ولسمشر باراک اوباما د جنوري د شلمې نیټې راهیسې چپتیا غوره کړې وه دوه ورځې مخکې د لومړي ځل لپاره راڅرګند شو.
هغه دوه ورځې مخکې د شیکاګو په پوهنتون کې د ځوانانو په یوې غونډه کې ګډون وکړ. هغې وویل چې ددینه وروسته د هغه یواځنۍ دنده د هیواد مشرتابه ته د ځوانانو هڅول او پدې برخه ورسره مرسته او ملاتړ کول دي.
اړوند خبرونه
د مالیزیا سمندري ځواکونو اړوند د دوو چورلکو د جنیګدو له امله لږ تر لږه لس تنو ژوند د لاسه ورکړ.
په مالیزیا کې د رسم ګذشت پریډ لپاره د تمرین پر مهال دوه چورلکو په هوا کې سره ټکر کړی دی