د امریکا متحده ایالتونو او شمالي کوریا لخوا یو بل ته متقابل ګواښونه دوام لري.
امریکا داځل د کوریا ټاپو وزمې ته د نړۍ تر ټولو لویه تحت البحري کښتۍ واستوله.
د امریکا متحده ایالتونو او شمالي کوریا لخوا یو بل ته متقابل ګواښونه دوام لري.
امریکا د شمالي کوریا لخوا نوموړي هیواد ته د وروستي ګواښ نه وروسته یو بل مهم ګام اوچت کړ.
امریکا داځل د کوریا ټاپو وزمې ته د نړۍ تر ټولو لویه تحت البحري کښتۍ واستوله.
امریکا د نړۍ تر ټولو د لویو تحت البحري کښتیو نه ( یو اس اس میشیګان ) چې ۱۷۰ متره اوږدوالی لري سیمې ته واستوله. د ترلاسه شوو معلوماتو له مخې یاده شوې تحت البحري د بوسان بندر ته رسیدلې ده .
ویل کیږي دا تحت البحري کښتۍ د مخابراتو په برخه کې په وروستۍ ټکنالوژۍ او قوي توغندیو سمبال ده.
دا تحت البحري کښتۍ د توغندیو د توغولو په پرمختللي سیستم سمبال ده. امریکا دا تحت الحبري پداسې حال کې سیمې ته ولیږله چې تیره ورځ د شمالي کوریا د دفاع وزیر امریکا د مځکې د نقشې نه په ورکولو ګواښلې وه.
د شمالي کوریا د دفاع وزیر وړمه ورځ یوې غونډې ته ویلي وو چې د امریکا او متفقینو لخوا يي د کوچني تهدید، برید او یرغل په صورت کې به په پسیفیک سیمه کې د امریکا د عسکري هډو سربیره په خپله امریکا به د مځکې د نقشې نه پاکه کړي. هغه ویلي وو چې هیواد يي ددې کار لپاره هر ډول امکانات او اټومي وسلې په اختیار کې لري.