پاپ فرانسیس د کلیسا په استازیتوب بښنه وغوښته.
پاپ فرانسیس د رواندا د خلکو نه بښنه وغوښته
پاپ فرانسیس د کلیسا په استازیتوب بښنه وغوښته.
د واتیکان ښار د دولت ریس او د کاتولیکو مسیحیانو روحاني مشر پاپ فرانسیس په ۱۹۹۴ کال کې په رواندا کې د ترسره شوي قتل عام په برخه کې د کاتولیکو مسیحیانو د کلیسا او د کلیسا د چارواکیو د ګناهونو او ناکامیو له امله د نوموړي هیواد د خلکو نه بښنه وغوښته.
پاپ وویل « ددې په هیله چې دا بښنه د رواندا د خلکو په ټپونو د پټۍ او مرحم لګولو سره مرسته وکړي او د ټپونو درد یو اندازه کم کړي. »
پاپ فرانسیس دا څرګندونې د رواندا د ولسمشر پاول کاګامي سره د لیدنې نه وروسته وکړې. هغه وویل چې د رواندا د قتل عام په مسله کې د کاتولیکو مسیحیانو د کلیسا راهبانو او راهبو پدې نفرت او وحشت د سترګو پټولو سره خپلو اصلي دیني دندو او وجیبو ته ستر خیانت کړی دی .
د یادولو وړ ده چې په رواندا کې په ۱۹۹۴ کال کې رامنځته شوي قتل عام پوره سل ورځې دوام وکړ. پدې هیواد کې د نوموړو ۱۰۰ ورځو په دننه کې تر ۸۰۰ زرو تنو ډیر کسان په قتل ورسول شول.
دا کسان د رواندا د هوتو قبیلې د افراطي ډلو لخوا په قتل ورسول. قربانیان د هوتو او توستي د قبیلو خلک وو.
ویل کیږي ډیری قربانیان د کاتولیکې کلیسا د راهبانو او راهبو په لاسونو وژل شوي دي. د رواندا حکومت ویلي دي چې پدې پیښه کې ډیری کسان په کلیسا کې چې پناه يي وړې وه وژل شوي دي.
د کاتولیکو مسیحیانو روحاني مشر پاپ فرانسیس په نوموړي ستر قتل عام کې د کلیسا د راهبانو او راهبو د لاس لرولو له امله د الله نه د بښنې غوښتنه وکړه.
د ویلو ده چې لومړی په رواندا کې د کلیسا د مشر د دفتر لخوا د ترسره شوي قتل عام او پدې قتل عام کې د راهبانو او راهبو د لاس لرولو له امله د بښنې غوښتنه وکړه. وروسته بیا واتیکان هم په رسمي توګه بښنه وغوښته.
دا پداسې حال کې ده چې په تیرو کلونو کې کاتولیکو مسیحیانو کلیسا پدې ستر قتل عام کې د کلیسا رول په اړه هر ډول ادعاګانې په کلکه توګه رد کړې وې او ویلي وو چې پدې پیښه کې د راهبانو او راهبو لخوا ترسره شوی عمل په فردي ډول ترسره شوی دی .
د کاتولیکو مسیحیانو روحاني مشر او د واتیکان د ښار د دولت ریس پاپ فرانسیس د رواندا د ولسمشر سره په واتیکان کې لیدنه وکړه. د ویلو ده چې د رواندا د نفوس ۵۰ سلنه کاتولیک مسیحیان دي.
پاپ پدې لیدنه کې د بښنې غوښتو نه وروسته د رواندا د خلکو او حکومت سره د هر ډول همکارۍ ژمنه وکړه.
اړوند خبرونه
د روسیې د دفاع وزارت مرستیال تیمور ایوانوف د رشوت اخیستو په شک ونیول شو.
د روسیې د تحقیقاتو کمیټې د دفاع د مرستیال وزیر تیمور ایوانوف د توقیف په اړه څرګندونې وکړې.