چین د ټایوان په مسله کې امریکا ته خبرداری ورکړ.
چین امریکا ته خبرداری ورکړ چې په ټایوان د وسلو پلورلو ته د پای ټکی کیږدئ.
چین د ټایوان په مسله کې امریکا ته خبرداری ورکړ.
چین امریکا ته خبرداری ورکړ چې په ټایوان د وسلو پلورلو ته د پای ټکی کیږدئ.
چین امریکا ته په ټایوان د وسلو د نه پلورلو او یو موټي چین سیاست ته د درناوي کولو بلنه ورکړه.
د چین د بهرنیو چارو د وزارت ویاندې هواء چونینګ په پلازمینه بیجینګ کې خبري غونډې ته وویل چې « چین د واشنګټن لخوا په ټایوان د وسلو د پلورلو سره سخت مخالفت کوي او پدې اړه يي په دریځ کې کوم بدلون نه راځي. »
هغې زیاته کړه ددې په هیله چې امریکا هم پدې خبره ښه پوه شوی وي چې په ټایوان د وسلو پلورل هغوې ته د ضرر نه پرته کومه ګټه نکوي.
هغې په امریکا غږ وکړ چې هر څه ژر په ټایوان د وسلو پلورل ودروي او د چین سیاستونو ته درناوی وکړي.
هغې د امریکا د نوې ادارې په اړه د یوې پوښتنې په ځواب کې وویل چې « د واشنګټن نوې اداره باید پدې مسلې جدي غور وکړي. سپینه ماڼۍ باید د چین او امریکا ترمنځه قوي او تاریخي اړیکو ته په کتو سره په سیمه کې د سولې او استقرار سره مرسته وکړي »
د یادولو وړ ده چې د ټایوان چارواکیو تیره اوونۍ ددې خبرې په ټینګار وویل چې ددوې پر وړاندې د چین تهدیدونه د هرې ورځې په تیریدو سره مخ په لوړیدو دي چې د همدې امله مجبور دي چې خپل هوايي ځواکونه لا پیاوړي کړي.
ټایوان د امریکا متحده ایالتونو نه د ارواح په نامه د پرمختللو جنګي جیټ الوتکو د اخیستو غوښتنه وکړه.
د بله پلوه د امریکا عسکري چارواکیو ویلي دي چې ولسمشر دونالد ټرامپ په ټایوان په لوړه کچه د وسلو پلورولو په پلان کار کوي.
چین تیره اوونۍ خپلو وسله والو ځواکونو ته پنځم نسل تر ټولو پرمختللې د J 20 په نامه جنګي الوتکې په اختیار کې ورکړې.
ټایوان بیا سږ کال د هیواد دفاعي بودیجه د یو سلنې په لوړولو سره ۱۱ عشاریه ۴ میلیاردو ډالرو ته لوړه کړه.
چین بیا سږنۍ دفاعي بودیجه ۷ سلنې په لوړولو سره ۱۵۲ میلیاردو ډالرو ته لوړه کړه.
د ویلو ده چې په ۱۹۴۹ کال کې په چین کې ماو زیدونګ واکمنۍ ته د رسیدو نه وروسته یو زیات شمیر حکومتي چارواکي ټایوان ته په تښتیدو سره د ټايوان حکومت اعلان کړ. نوموړو د حکومت د جوړولو نه وروسته خپلواکي اعلان کړه خو چین بیا د هغوې خپلواکي په رسمیت ونه پيژندله. چین وايي چې ټایوان ددوې خاوره ده. نن ورځ په نړۍ کې یواځې ۲۲ هیوادونه ټایوان په رسمیت پیژني.