روسیې د سوریې په برخه کې اسراییلو ته خبرداری ورکړ

روسیې  د اسراییلو  پر وړاندې  چې  تیره ورځ يي  سوریه  په عسکري مداخلې  ګواښلې وه  سخت غبرګون  وښود.

روسیې  په مسکو کې  د اسراییلو  سفیر  د نوموړي هیواد لخوا په سوریې د هوايي بریدونو او سوریې ته  د ګواښونو له امله د بهرنیو چارو وزارت ته  احضار کړ.

د یادولو وړ ده چې  د اسراییلو جنګي  الوتکو تیره اوونۍ  د سوریې د پالمیرا تاریخي  ښار ترڅنګ  د اسد تر کنټرول لاندې په سیمو  هوايي بریدونه وکړل چې وروسته سوریې د اسراییلو یوه جنګي الوتکه وویشتله.

د اسراییلو د دفاع وزیر  تیره ورځ  سوریه  په عسکري مداخلې  وګواښله. د اسراییلو د دفاع وزیر  تیره ورځ  وویل  « که چیرې سوریه په راتلوونکي کې ددوې الوتکو ته  ګواښ جوړ کړي  د څو ساعتونو په دننه کې به يي ټول دفاعي سیستمونه  لمنځه یوسي. په سوریې به داسې  بریدونه وکړي  چې  لاره به ترینه ورکه کړي. »

اسراییلو چې  د سوریې لخوا ددوې د الوتکې ویشتل  ردول  د دفاع د وزیر دې څرګندونو سره  په غیرې مستقیم ډول سره  د  الوتکې د ویشتل کیدو پخلی وکړ.

روسیې  بیا  د اسراییلو ددې ګواښونو  او په سوریه د هوايي بریدونو له امله  اسراییلو ته  خبرداری ورکړ.

روسیې  په مسکو کې  د اسراییلو  سفیر  د بهرنیو چارو وزارت  ته  احضار کړ. روسیې  د اسراییلو  سفیر ته  سوریې ته د ګواښونو او په نوموړي هیواد د هوايي بریدونو له امله  خبرداری ورکړ.