په استرالیا کې  یوه  الوتکه  د لوی سوداګریز مرکز  د پاسه  ولویده.

په استرالیا کې  یوه  الوتکه  د لوی سوداګریز مرکز  د پاسه  ولویده.

د استرالیا د میلبرن په ښار کې  کوچنۍ  مساپر وړونکې  بیچ کرفت بي ۲۰۰ ډوله دوه ماشینه  الوتکه  د سوداګریز مرکز  د پاسه  ولویده.

په پيښه کې  په الوتکه کې سپرو  ۵ تنو ژوند  د لاسه ورکړ.

د استرالیا هوانوردۍ  د چارو چارواکیو  په وینا  نوموړې الوتکه  د ایسندون  هوايي ډګر نه  د تازمانیا  شاهي  ټاپو پر لورې روانه وه  چې  د یو سوداګریز مرکز د پاسه يي سقوط وکړ.

چارواکیو ویلي دي ګمان کیږي چې  الوتکه  په ماشین کې  د ستونزې له امله  رالویدلي وي.

الوتکه  د میلبرن  په ښار کې  په یو سوداګریز مرکز  راغورځیدلې ده . د چارواکیو په وینا  د لومړنیو معلوماتو له مخې   پدې پیښه کې  د الوتکې د سپرلۍ نه پرته  د بل چا ته ځاني زیان  ندی اوښتی. په پیښه کې د الوتکې د پیلوټ په ګډون ۵ تنو ژوند د لاسه ورکړی دی .

پدې پیښه کې سوداګریز مرکز ته د پام وړ مالي زیان اوښتی دی.