روسیه په امریکا د توغندیو برید کې ادعا وشوه
روسیه په امریکا متحده ایالتونو د توغندیو بریدونه کوي ادعا په نړۍ کې جدي انعکاس وموند.
روسیه په امریکا متحده ایالتونو د توغندیو بریدونه کوي ادعا په نړۍ کې جدي انعکاس وموند.
دا ادعا د امریکا د نیویارک ټایمز ورځپاڼې د ټویټر حساب له لارې وشوه . په امریکا کې هکرانو د نیویارک ټایمز ورځپاڼې د ویدیو د برخې رسمي حساب هک کړ او د نوموړي حساب له لارې یو بیړنی خبر خپور کړ.
په خبر کې لیکل شوي وو چې د روسیې ولسمشر ولادیمیر پوتین ویلي دي چې روسیه به په امریکا د توغندیو بریدونه وکړي.
دې خبر په لنډه موده کې ډیر زیات انعکاس وموند. د نیویارک ټایمز ورځپاڼې وروسته د سهار په لسو بجو دا خبر پاک کړ.
نیویارک ټایمز ورځپاڼې د خبر د پاکولو نه وروسته د همدې حساب له لارې د یو بل خبر په خپرولو سره وویل چې « لنډه موده مخکې ددې حساب له لارې خپاره شوي پیغامونه او خبر زمونږ د اجازې پرته خپاره شوي وو چې پاک شول. د مسلې په اړه څيړنې پیل شوي دي. »
دا لومړی ځل ندی چې هکران د نیویارک ټایمز ورځپاڼې د ټولنیزې مډیا رسمي حسابونه هکوي. د اوور ماینز په نامه هکرانو ډلې تیره میاشت د یادې شوې ورځپاڼې د ټولنیزې مډیا له لارې د امریکا د نامتو سندرغاړو بریتني سپیرس او باب دایلان د مړینې خبر خپور کړی وو.
هکرانو وروسته د نیویارک ټایمز ورځپاڼې ته د پیغام په استولو سره ویلي وو « که غواړۍ چې دا ستونزه حل کړۍ زمونږ سره اړیکه ټینګه کړۍ . »
اړوند خبرونه
د مالیزیا سمندري ځواکونو اړوند د دوو چورلکو د جنیګدو له امله لږ تر لږه لس تنو ژوند د لاسه ورکړ.
په مالیزیا کې د رسم ګذشت پریډ لپاره د تمرین پر مهال دوه چورلکو په هوا کې سره ټکر کړی دی