د سویلي کوریا ولسمشرۍ له واکه ګوښه کیدو ته غاړه کیښوده
د سویلي کوریا ولسمشرۍ وویل چې استعفا کې تیاره ده
د سویلي کوریا ولسمشرۍ پارک ګون هه وویل چې د ولسي جرګې لخوا ورته د واک د انتقال په خاطر د یو ډاډمند پلان د وړاندې کولو په صورت کې به له خپلې دندې استعفا وکړي.
پارک دا څرګندونې په خپله تلویزیوني وینا کې وکړې. هغه په خپله تلویزیوني وینا کې یو ځل بیا د چوي د مسلې له امله بښنه وغوښته او وویل چې استعفا کولو ته حاضره ده .
د ویلو چې د سویلي کوریا ولسمشره پداسې حال کې استعفا کولو ته تیاری وښود چې د نږدې یوې میاشتې راهیسې په هیواد کې د هغه پر خلاف مظاهرې دوام لري.
په سویلي کوریا کې د ولسمشرې پارک ګون هه نږدې ملګرې چوي سون سیل سره ددې چې کومه رسمي دنده نه درلوده خو په مهمو دولتي مسلو کې به يي مداخله کوله. ددې مسلې د افشا کیدو سره په سلګونو زرو تنو د ولسمشرۍ پارک پر خلاف په مظاهرو لاس پورې کړ. مظاهره کوونکي د هغه د استعفا غوښتنه کوي.
د سویلي کوریا د ولسمشرۍ ملګرې چوي سون سیل د ولسمشرۍ د نامه نه د ګټې پورته کولو سره د یو زیات شمیر سوداګرو او وقفونو نه پیسې او مرستې راټولې کړي دي. همداشان هغه د کولتوري او سپورتي فعالیتونو په خاطر د جوړ کړي مرستندویه ټولنې څه باندې ۹ میلیونه ډالره پیسې په خپل شخصي نامه کړي وو.
هغه د سپورتي او کولتوري فعالیتونو په بهانه مرستې راټولې او وروسته به يي په خپل نامه کولې.
د سویلي کوریا د ولسمشرۍ ملګرې چې زندان ته استول شوې ده محاکمه دوام لري.
د بله پلوه د سویلي کوریا مخالفو ډلو د ولسي جرګې نه د نوموړې مسلې څیړولو غوښتنه کړې ده .
تمه کیږي چې د سویلي کوریا په ولسي جرګه کې د جمعې په ورځ د څیړونو د ترسره کولو او یا نه کولو په خاطر رای اچونه وشي.
د بله پلوه د نوموړې پیښې نه وروسته د سویلي کوریا ولسمشرۍ په هیواد کې د خلکو ملاتړ په کامله توګه د لاسه ورکړی دی. یوې نظر پوښتنې ښودلې ده چې ولسمشره پارک اوسمهال په هیواد کې یواځې ۴ سلنه پلویان لري.
د سویلي کوریا ملګرې د هغه سره د ولسمشرۍ د ټاکنو په کمپاینونو او د ولسمشرې په توګه د ټاکل کیدو نه وروسته د لومړنۍ بیانیې په جوړولو کې مرسته کړې وه.