د هند  او پاکستان  په پوله کې درې تنه هندي سرتیري  ووژل شول.

د هند  او پاکستان  په پوله کې درې تنه هندي سرتیري  ووژل شول.

د هند د دفاع د وزارت لخوا په خپره شوې خبرپاڼه کې  د هند او پاکستان په پوله کې د کشمیر د کنټرول په کرښه کې  ددوی ۳ تنه سرتیري  په ډیر  بزدلانه  ډول سره  د وژل کیدو نه خبر ورکړی دی. د وژل شوو سرتیرو نه  د یو تن جسد  ټوټې ټوټې  موندل شوی دی .

په خبر پاڼه کې راغلي دي چې د تیرې یوې اوونۍ په دننه کې دا دویم  ځل  دی چې ددوی  عسکر  د ټولو جنګي  او عسکري قوانینو پر خلاف  په ډیره بې رحمانه ډول  وژل کیږي  او جسدونه يي  ټوټې ټوټې  موندل کیږي.

د ویلو ده چې  په ۲۰۱۳ کال کې هم  د هند او پاکستان په پوله کې  د څو تنو هندي سرتیري  مړي  په ډیر بد حالت کې موندل شوي وو. په هغه کال کې هم  د هندي سرتیرو مړي  ټوټې ټوټې  شوي وو.

د هند پوځ  ویلي دي چې  خامخا به  ددې پزدلانه  عمل  غچ واخلي.

پیښه  پرون  د سې شنبې په ورځ  د هند تر کنټرول لاندې  د کشمیر کوپ واره په ولسوالۍ کې  رامنځته شوې ده .

همداشان  د هند  د پوځ  یو تن جګپوړي چارواکي  خبري رسنیو ته ویلي دي چې دا لا معلومه نده چې  دا  سرتیري  د پاکستاني ځواکونو او که  د ترهګرو لخوا وژل شوي دي. هغه ویلي دي چې د پیښې په اړه يي څیړنې پیل کړي دي.

پدې وروستیو کې د هند او پاکستان د ځواکونو ترمنځه وخت نا وخته  د کنټرول په کرښه کې  نښتې کیږي.