د قزاقستان حکومت  په ښوونځیو کې د حجاب  په سر کولو  وړاندیز  رد کړ.

د قزاقستان حکومت  په ښوونځیو کې د حجاب  په سر کولو  وړاندیز  رد کړ.

په قزاقستان کې  څه باندې  ۵ زرو تنو په ښوونځیو کې د حجاب په سر کولو  وړاندیز کړی وو چې  د حکومت لخوا رد شو.

د قزاقستان  د پوهنې او علم  وزارت مرستیالې المیرا سوهان بیردیوا  خبري غونډې ته وویل چې  « په ښوونځیو کې د حجاب د پر سر کولو په خاطر يي څه باندې  ۵ زره وړاندیزونه  ترلاسه کړي دي  خو د قزاقستان د اساسي قانون له مخې  د هیواد تعلیمي  سیستم  سیکولر سیستم  دی.  د همدې امله په ښوونځیو کې دیني سمبولونو  او یا دیني پروپاګند کولو ته په هیڅډول  اجازه نه ورکول کیږي.»

هغې وویل  چې د هغه  زده کوونکو  چې غواړي  ښوونځي ته د حجاب سره  راشي  د کورنیو سره  خبرې کړي  او پدې نتیجه رسیدلي دي چې  زده کوونکي  ښوونځي ته د داخلیدو سره  باید حجاب یا پړوني لرې کړي او د ښوونځي نه  د وتو سره  کولی شي چې بیرته  خپل حجابونه او یا پړوني  په سر کړي. هغې زیاته کړه چې حکومت نه غواړي چې  چا ته معنوي  زیان ورسوي.

د بله پلوه  د قزاقستان د دیني چارو او ملکي ټولنو د ریاست  د دیني چارو کمیټې ریس  ویلي دي چې په هیواد کې  د هر چا  عقیدې او دین ته  درناوی کیږي. په هیواد کې  د ټولو دینونو  لارویانو د مساوي حق او حقوقو نه  برښمند دي.