د ناټو مشر د دوه ورځني سفر په ترڅ کې ترکیې ته راځي
د ناټو سازمان مشر ینس ستولتنبرګ د سپټمبر په ۸ مه نیټه د راتلونکې پنجشنبې په ورځ د دوه ورځني سفر په ترڅ کې ترکیې ته راځي.
د ناټو سازمان مشر ینس ستولتنبرګ د سپټمبر په ۸ مه نیټه د راتلونکې پنجشنبې په ورځ د دوه ورځني سفر په ترڅ کې ترکیې ته راځي.
د ناټو مشر به په انقره کې د ولسمشر رجب طیب اردوغان او لومړي وزیر بنعلي ییلدرم سره لیدنه وکړي.
ستولتنبرګ به د بهرنیو چارو وزیر مولود چاوش اوغلو سره هم لیدنه وکړي.
د یادولو وړ ده چې د ترکیې لخوا د سوریې په شمال کې د جرابلس د عسکري عملیاتو د پیلولو نه وروسته دا لومړی ځل دی چې د ناټو مشر ترکیې ته راځي. دا سفر ددې پلوه هم ځانګړې اهمیت لري.
د ناټو مشر ستولتنبرګ به په انقره کې د لیدونو په ترڅ کې د سوریې د پرمختګونو په سوریه کې د باامنه سیمې د جوړولو په خاطر د ترکیې په وړاندیز خبرې وکړي.
د یادولو وړ ده چې د ناټو سازمان د داعش ترهګرې ډلې پر خلاف د لا اغیزمنې مبارزې په موخه په بالتیک هیوادونو کې سرتیري ترکيې ته د رالیږولو پریکړه کړې ده .
د نوموړو سرتیرو یوه دریمه برخه الماني ځواکونه تشکیلوي. دا ځواکونه به د سوریې د هوايي حریم د کنټرول په دنده وګمارل شي.
د ناتو مشر ویلي دي چې په ترکیه کې د لیدونو کتنو په ترڅ کې به د عراق، منځني او شمالي افریقا په پرمختګونو او ستونزو هم خبرې وکړي.
اړوند خبرونه
د روسیې د دفاع وزارت مرستیال تیمور ایوانوف د رشوت اخیستو په شک ونیول شو.
د روسیې د تحقیقاتو کمیټې د دفاع د مرستیال وزیر تیمور ایوانوف د توقیف په اړه څرګندونې وکړې.