په امریکا کې ډیموکراټ ګوند د ولسمشرۍ لپاره خپل نوماند رسمآ اعلان کړ.
ډیموکراټ ګوند هیلري کلنټن د ولسمشرۍ په ټاکنو کې د خپلې وروستۍ نوماندې په توګه وټاکله
په امریکا متحد ایالتونو کې ډیموکراټ ګوند د ولسمشرۍ لپاره خپل نوماند رسمآ اعلان کړ.
په امریکا کې د ډیموکراټ ګوند میرمن هیلري کلنټن د ولسمشرۍ لپاره د رسمي نوماندې په توګه اعلان کړه.
د ویلو ده چې د امریکا په تاریخ کې دا لومړی ځل دی چې تر ټولو غښتلي او ستر د ډیموکراټ ګوند د ولسمشرۍ لپاره میرمن د نوماندې په توګه ټاکي.
همداشان د ډیموکراټ ګوند لخوا د ولسمشرۍ لپاره د هیلري کلنټن د نوماندۍ د اعلانولو سره د امریکا په تاریخ کې نوې پاڼه پرانیسته.
د امریکا متحده ایالتونو د ډیموکراټ ګوند د فیلادلیفیا په ښار کې په عمومي غونډه کې د ولسمشرۍ لپاره د هیلري کلنټن نوماندي په رسمي ډول اعلان کړه.
د امریکا پخواني ولسمشر بیل کلنټن میرمن، د نیویارک د ایالت سناتوره او د بهرنیو چارو پخوانۍ وزیره هیلري کلنټن داځل د ولسمشرۍ لپاره نومانده شوه. هیلري کلنټن به د نوامبر په ۸ مه نیټه ترسره کیدونکي د ولسمشرۍ په ټاکنو کې د جمهوریت پلوو د نوماند دونالد ترومپ سره سیالي وکړي.
ویل کیږي هیلري کلنټن به د سبا خپله لومړنۍ وینا وکړي.
د بله پلوه په ډیموکراټ ګوند کې د ولسمشرۍ د نوماندۍ په خاطر د هیلري کلنټن نږدې رقیب سناتور بیرني ساندرز د هیلري کلنټن د نوماندۍ نه ملاتړ اعلان کړ او وویل چې هغه د ولسمشرۍ لپاره تر ټولو مناسبه ده. د سناتور بیرني ساندرز پلویانو ویلي وو چې غواړي د ولسمشرۍ په ټاکنو کې د ترومپ په مقابل کې هغه وویني خو هغه بیا په خپلو پلویانو د هیلري کلنټن نه ملاتړ کولو ته بلنه ورکړه.
په امریکا کې په ترسره شوو بعضو نظرسنجیو کې هیلري کلنټن د جمهوریت پلوي دونالد ترومپ نه مخکې ښکاري.
اړوند خبرونه
د مالیزیا سمندري ځواکونو اړوند د دوو چورلکو د جنیګدو له امله لږ تر لږه لس تنو ژوند د لاسه ورکړ.
په مالیزیا کې د رسم ګذشت پریډ لپاره د تمرین پر مهال دوه چورلکو په هوا کې سره ټکر کړی دی