د انګلستان د پارلمان نه د ټولپوښتنې د یو ځل بیا ترسره کولو غوښتنه وشوه
څه باندې یو میلیونو تنو د ټولپوښتنې د تکراریدو په خاطر عریضه لاسلیک کړې .
په انګلستان کې څه باندې یو میلیون تنو د اروپايي ټولنې نه د جلا کیدو اړوند د ترسره شوې ټولپوښتنې د یو ځل بیا ترسره کولو غوښتنه وکړه.
د ویلو ده چې څه باندې یو میلیونو تنو د ټولپوښتنې د تکراریدو په خاطر عریضه لاسلیک کړې .
د انګلستان د قوانینو له مخې پارلمان د یوې مسلې په اړه د سل زرو لاسلیکونو د راټولیدو په صورت کې اړ دی چې په هغې غور وکړي.
په انګلستان کې د تیرې پنجشبې په ورځ د ترسره شوې ټولپوښتنې د پایلو د اعلانیدو نه وروسته څه باندې یو میلیون تنو د پارلمان په رسمي ویبپاڼه کې د تولپوښتنې د تکراریدو په خاطر عریضه لاسلیک کړه.
د ویلو ده چې د اروپا نه د انګلستان د جلا کیدو پریکړې د سیاسي او ټولنیزو جنجالونو سربیره جدي اقتصادي ستونزې هم رامنځته کړي دي. د بیلګې په توګه د انګلستان پولي واحد د بهرنیو اسعارو پر وړاندې خپل ارزښت د لاسه ورکړ.
همداشان تیره ورځ د امریکا د اسهامو په بازار کې د اسهامو بیه ډیره زیاته راټیټه شوه.
امریکايي د اسهامو د بازار د معلوماتو له مخې تیره ورځ د امریکا د اسهامو بازار ۹۰۰ میلیارده ډالره زیان ولید.
په انګلستان کې د پلازمینې لندن په ګډون ځینو برخو ویلي دي چې نه غواړي د اروپايي ټولنې نه جلا شي.
په لندن کې د لومړي ځل لپاره د انګلستان نه د جلا کیدو په خاطر سیاسي هلې ځلې پیل شوې.
سکاټلنډ او شمالي ایرلنډ ویلي دي چې دوی د اروپا یوه پارچه او نه غواړي چې ترینه جلا شي. سکاټلنډ حتا یو ځل بیا د انګلستان نه د خپلواکۍ د ترلاسه کولو په خاطر د ټولپوښتنې په تیاریو پیل کړی دی.
اړوند خبرونه
د مالیزیا سمندري ځواکونو اړوند د دوو چورلکو د جنیګدو له امله لږ تر لږه لس تنو ژوند د لاسه ورکړ.
په مالیزیا کې د رسم ګذشت پریډ لپاره د تمرین پر مهال دوه چورلکو په هوا کې سره ټکر کړی دی