تندر غورځیدو له امله ۶۷ تنو ژوند د لاسه ورکړ
په هندوستان کې د رعد برق یا تندر د غورځیدو له امله ۶۷ تنو ژوند د لاسه ورکړی دی .
په هندوستان کې د رعد برق یا تندر د غورځیدو له امله ۶۷ تنو ژوند د لاسه ورکړی دی .
د هندوستان د بیړنیو حالاتو ادارې د معلوماتو له مخې په نوموړي هیواد کې د موسمي بارانونو په پایله کې د رامځته شوي رعد برق یا تندر غورځیدو له امله په تیرو دوو ورځو کې لږ تر لږه ۶۷ تنو ژوند د لاسه ورکړی دی.
یادې شوې ادارې ویلي دي چې په هندوستان کې په ځانګړې توګه د جون او اګست د میاشتو ترمنځه د رعد برق پیښې رامنځته کیږي خو داځل د پخوا په پرتله ډیرې زیاتې او ځاني زیانونو کچه هم لوړه ده .
هغه ویلي دي چې د هیواد په ختیځ کې د بیهار په ایالت کې د تندر د غورځیدو له امله ۴۷ تنو ژوند د لاسه ورکړی او ۲۲ تنه نور ټپیان شوي دي.
هغه ویلي دي چې د ټپیانو نه هم د ډیرو روغتیايي حالت ښه ندی او د مړو د شمیرې د لوړیدو په اړه اندیښنه شتون لري.
همداشان د هیواد د اولتراپردیش په ایالت کې هم ۲۰ تنو د تندر د غورځیدو له امله ژوند د لاسه ورکړی دی .
د یادولو وړ ده چې په هندوستان کې هر کال په زرګونو تنه د رعد برق یا تندر غورځیدو په پیښو کې ژوند د لاسه ورکوي. د تندر د قربانیانو ډیری بزګر تشکیلوي.
په هندوستان کې یواځې په ۲۰۱۴ کال کې څه باندې ۲۵۰۰ تنو د تندر د غورځیدو په پیښو کې ژوند د لاسه ورکړی دی .
اړوند خبرونه
د ملګروملتونو د امنیت شورا په ملګرو ملتونو کې د فلسطین د بشپړ غړیتوب پر مسودې رای اچونه کوي.
فلسطین یو ځل بیا د ملګروملتونو سازمان د بشپړ غړیتوب غوښتنه وکړه