اوباما  په سوریه کې  د باامنه سیمې د جوړولو د وړاندیز  نه  ملاتړ اعلان کړ.

د امریکا  متحده ایالتونو ولسمشر باراک اوباما  په سوریه کې  د باامنه سیمې د جوړولو د وړاندیز  نه  ملاتړ اعلان کړ.

اوباما  د سوریې د روانې ستونزې په اړه وویل  چې د ناټو په سازمان کې د خپل نږدې متفق  او دوست هیواد ترکیې نه  د تل د تماس په حال کې یو. د سوریې روانې کشالې ته  د حل لارې د موندولو په موخه  په دوامداره توګه  د انقرې سره د تماس په حال کې یو.

هغه زیاته کړه چې  سره ددې چې د عسکري  پلوه  ګرانه  ښکاري  خو بیا هم  په سوریه کې د اوربند  او  سیاسي  حل لارې په خاطر  د باامنه سیمې د جوړولو نه ملاتړ کوي.

د امریکا  متحده ایالتونو ولسمشر باراک اوباما  د سعودي عربستان نه وروسته  اروپا ته د خپل سفر په دویم  تم ځای  جرمني  د لومړۍ وزیرې انګیلا مرکل سره د لیدنې نه وروسته  په ګډه خبري ناسته کې ګډون وکړ.

هغه دا څرګندونې  د مرکل سره  په ګډه خبري غونډه کې وکړې.

هغه وویل چې  پدې وروستیو ورځو کې په سوریه کې د اوربند نه  وخت نا وخته  سرغړونې کیږي. هغه د اوربند نه  د سرغړونې په برخه کې  د اسد په رژیم  سختې نیوکې وکړې.

اوباما  د ترکیې په وړاندېز په سوریه کې د باامنه سیمې د جوړولو  د مسلې په اړه  د یو خبريال د پوښتنې په ځواب کې وویل چې  ً د سوریې په خاوره کې د ملکي وګړو نه د دفاع  په خاطر  د اډیالوژیک پلوه  د باامنه سیمې د جوړیدو سره  کوم مخالفت نلرو. تر ننه  پورې مو  په کراتو مراتو  د پنټاګون سره  په سوریه کې د باامنه سیمې د جوړولو په مسلې  خبرې او مشورې کړي دي . دا هم باید ومنل شي  چې  دا مسله هم  د عسکري پلوه ځیني ستونزې  او مشکلات په مخکې لري. د نوموړې مسلې  پر  وړاندې  د پام وړ احتمالي  ستونزې شتون لري.

اوباما  د یو تن بل خبریال ددې پوښتنې په ځواب کې چې  د جرمني لومړۍ وزیره میرمن مرکل  هم  په سوریه کې  د باامنه سیمې د جوړیدو نه ملاتړ کوي  داسې وویل ! په سوریه کې  د اوربند او سیاسي حل لارې  په چوکاټ کې  د باامنې سیمې د جوړیدو نه  امریکا هم  ملاتړ کوي.

اوباما وویل چې په سوریه کې د روانه  ستونزه او انساني  تراژیدي  د نږدې نه تعقیبوي  او دې ستونزې ته د حل لارې د موندولو په خاطر د ناټو په سازمان کې  د نږدې متفق  هیواد ترکیې سره  په دوامداره توګه  د تماس په حال کې یو.

همداشان اوباما  په انګلستان کې هم  د خپلو لیدونو کتنو په چوکاټ کې  د سوریې د مسلې په اړه د بي بي سي  سره  مرکه کړې وه.

هغه  د سوریې په اړه د بي بي سي سره په مرکه کې ویلي وو چې  د سوریې حالت  تر وروستۍ درجې  پیچلي  او دردونکي  دي. هغه ددې خبرې په ټینګار سره ویلي وو چې د سوریې روانه  د عسکري مداخلې سره  د حل وړ نده .

د بله پلوه  د امریکا  ولسمشر باراک اوباما  د داعش پر وړاندې د مبارزې په برخه کې هم  د اعتراف په څیر څرګندونې وکړې.

اوباما  وویل چې  دده د ولسمشرۍ د دندې موده  د نوامبر په میاشت کې  پایته رسیږي  خو ګمان کوي چې تر نوامبر میاشت پورې  د داعش پر خلاف په روانه مبارزه کې  یاده شوې ترهګره ډله  له منځه لاړه نشي.

اوباما  وویل چې   د داعش پر خلاف د مبارزې په چوکاټ کې سوریې ته د ۲۵۰ تنو تازه دمو امریکايي سرتیرو د استولو پریکړه کړې ده. دا سرتیري به هم  د داعش پر خلاف  په مبارزې بوختو  سرتیرو  په روزنه کې  ونډه واخلي.