ترکیې د سوریې په پوله کې جنګي الوتکه راوغوځوله
ترکیې د سوریې په پوله کې جنګي الوتکه راوغوځوله
ترکیې د سوریې په پوله کې د روسیې جنګي الوتکه راوغوځوله .
د ترکیې ستردرستیزوالئ د دفتر لخوا په خپره شوې خبرپاڼه کې راغلي دي چې د هیواد هوايي ځواکونو یوه جنګي الوتکه چې د ترکیې په هوايي حریم يي تیری کړی وو د ویشتلو نه وروسته راوغورځوله. د بله پلوه د هیواد ولسمشر رجب طیب اردوغان ویلي دي چې د هیواد ۱۶ جنګي الوتکو د روسیې اړوند یوه su 24 ډوله جنګي الوتکه چې د ترکیې په هوايي حریم يي تیری کړی وو د ویشتلو نه وروسته راوغوځوله..
د بله پلوه د هیواد ستر درستیز ستر جنرال حلوسي اکار د مسلې اړوند لومړي وزیر احمد داوود اوغلو او د بهرنیو چارو وزیر فریدون سنیرلي اوغلو ته معلومات ورکړي دي.
د هیواد ستر درستیزوالئ لخوا په خپره شوې خبرپاڼه کې راغلي دي چې لومړی الوتکې ته څو ځلې خبرداری ورکړ شو او وروسته وویشتل شوه.
الوتکه د سوریې سره په پولو کې دننه په ۲ کیلومترۍ کې غورځیدلې ده . په سیمه کې عیني شاهدانو ویلي دي چې د الوتکې دوو پيلوټانو په پراشوټوټ کې ځان ګوزار کړی دی .
ه د هیواد لومړي وزیر احمد داوود اوغلو د بهرنیو چارو وزارت ته د مسلې په اړه د ناټو او ملګروملتونو سازمان سره د اړیکو ټینګولو هدایت ورکړی دی.
د روسیې د دفاع وزارت هم د پیښې پخلی کړی دی او ویلي دي چې ددوی یوه جنګي الوتکه په سوریه کې د ترکیې سره په پولو کې غورځیدلې ده . د روسیې د دفاع وزارت ویلي دي چې د الوتکې د پيلوټانو برخلیک نامعلوم دی خو د سوریې مخالفینو د ویشتل شوې الوتکې د یو تن پیلوټ چې ویل کیږي په پراشوټ کې د ځان د ګوزارولو نه وروسته ژوند د لاسه ورکړی دی د مړي فلم خپور کړی دی.
همداشان د بل تن پيلوټ برخلیک نامعلوم دی.
اړوند خبرونه
د مالیزیا سمندري ځواکونو اړوند د دوو چورلکو د جنیګدو له امله لږ تر لږه لس تنو ژوند د لاسه ورکړ.
په مالیزیا کې د رسم ګذشت پریډ لپاره د تمرین پر مهال دوه چورلکو په هوا کې سره ټکر کړی دی