په جرمني کې په کډوالو د بریدونو کچه درې برابره لوړه شوې ده
۲۰۱۴ کال په وروستیو دریو میاشتو کې په ټول جرمني کې په کډوالو ۶۷ بریدونه ترسره شوي دي
په جرمني کې په کډوالو د بریدونو کچه درې برابره لوړه شوې ده .
د جرمني د یوې ورځپاڼې د خبر له مخې په جرمني کې په ۲۰۱۴ کال کې په کډوالو د بریدونو کچه د ۲۰۱۳ کال په پرتله درې برابره لوړه شوې ده. په خبر کې راغلي دي چې د ۲۰۱۴ کال په وروستیو دریو میاشتو کې په ټول جرمني کې په کډوالو ۶۷ بریدونه ترسره شوي دي .
ویل کیږي د ۲۰۱۴ کال په وروستیو دریو میاشتو کې د کډوالو کورونو ته اور اچول شوی، وسله وال بریدونه پرې شوي او وهل شوي او ډبول شوي دي.
په جرمني کې د کډوالو استازو ویلي دي چې په کډوالو د بریدونه کچه هله لوړه شوه چې هیواد ته د کډوالو په راتګ کې زیاتوالی ترسترګو کیږي.
په لویدیځ کې د اسلامیت مخالف د وطنپالو اروپایانو غورځنګ لخوا د اسلام پر خلاف روانو مظاهرو او لاریونو په ټوله اروپا کې او په ځانګړې توګه په جرمني کې د بهرنیانو پر وړاندې د خلکو پارونې ته لاره اواره کړې ده .
د نوموړي غورځنګ لخوا د مظاهرو د پيلیدو سره سم په یو زیات شمیر اروپايي هیوادونو کې په بهرنیانو او په ځانګړې توګه په مسلمانانو بریدونه کیږي.
اړوند خبرونه
د روسیې د دفاع وزارت مرستیال تیمور ایوانوف د رشوت اخیستو په شک ونیول شو.
د روسیې د تحقیقاتو کمیټې د دفاع د مرستیال وزیر تیمور ایوانوف د توقیف په اړه څرګندونې وکړې.