په فرانسوي مجلې چې د پیغبر ص کاریکاتور يي خپور کړی وو برید وشو

د فرانسې په پلازمینه پاریس کې د ( CHARLIE HEBDO ) د مجلې په دفتر خونړیز برید وشو .
په برید کې د دوو تنو پولیسو په ګډون ۱۲ تنو ژوند د لاسه ورکړی دی .
د یادولو وړ ده چې دا مجله د حضرت محمد مصطفی صلی الله علیه وسلم د کاریکاتور د خپرولو سره په نړۍ کې ځانګړی شهرت پیدا کړی وو.
د لومړنیو معلوماتو له مخې درې تنه وسله وال کسان چې په کلاشینکوفو سمبال ول د مجلې دفتر ته د ننوتو سره سم په کارکوونکو ډزې پيل کړې.
په برید کې د دوو تنو پولیسو په ګډون ۱۲ تنه مړه او۲۰  تنه نور ټپیان شول.
د یادولو وړ ده چې یاده شوې مجلې د اسلام د ستر پیغمبر حضرت محمد صلی الله علیه وسلم د کاریکاتور د خپرولو سره په نړۍ کې سخت غبرګونونه پارولي وو.
د پيغمبر غچ اخلو
د ( CHARLIE HEBDO ) مجلې دفتر چې د پاریس په ۱۱ مه سیمه کې قرار لري نن د غرمې نه مښکې په ۱۱ بجو او ۳۰ دقیقو پرې د درې تنو وسله والو لخوا برید وشو.  عیني شاهدانو ویلي دي چې برید کوونکو د پیغمبر غچ اخلو د نارو نه وروسته  د الله اکبر تکبرونه  ورکول  او  د مجلې په کارکوونکو ډزې وکړې او ۱۲ تنه يي ووژل .
ویل کیږي په یادې شوې مجلې د برید نه لنډه موده د مجلې لخوا د داعش د مشر ابوبکر البغدادي یو کاریکاتور خپور شوی وو.
د فرانسې ولسمشر فرانسوا اولاندا د برید نه وروسته د برید د سیمې نه لیدنه وکړه .

په برید کې د مجلې څلور کاریکاتورست  او مشر ادیتور  وژل شوي دي..

د فرانسې ولسمشر  اولاندا  وویل چې  دا برید به  بې ځوابه پاتې نشي . برید کوونکي به خامخا د خپلو اعمالو په سزا  ورسیږي. د بله پلوه  د فرانسې لوی څارنوال  خبري رسنیو ته ویلي دي چې درې تنو برید کوونکو  د شارلي هیبدو د مجلې په دفتر  چې  د یوې اوږدې مودې راهیسې  د امنیتي ځواکونو د څار لاندې وو  او د پولیسو لخوا  ساتل کیده  برید کړی دی . لوی څارنوال وویل چې برید کوونکي درې تنه وو او  د دریو موټرانو په بدلولو سره  د سیمې نه په تیښته بریالي شوي دي. لوی څارنوال  په برید کې د ټپیانو شمیره  ۱۲ تنه وښوده خو مطبوعاتو بیا د ټپیانو شمیره  ۲۰ تنه ښودلې. د ټپیانو نه د ۴ تنو روغتیايي حالت  باریکه دی.

د ویلو ده چې په برید کې د مجلې د خپرونو عمومي مسول  او ۴ تنه  کاریکاتورستان  وژل شوي دي.