اسرائیلو لومړي وزیر بنیامین نتنیاهو د دفاع وزیر یوآف ګالنټ له دندې ګوښه کړ.

اسرائیلو لومړي وزیر بنیامین نتنیاهو د دفاع وزیر یوآف ګالنټ له دندې ګوښه کړ.

د لومړي وزیر د مطبوعاتي دفتر له خوا په خپور شوي بیان کې ویل شوي چې ګالنټ له دندې ګوښه شوی دی.

په دې بیان کې د نتنیاهو دا وینا د پام وړ وه چې ویلي یې دي: "(له ګالنټ سره) زموږ ترمنځ باور زیانمن شوی دی. ما څو ځله هڅه وکړه چې زموږ ترمنځ واټن له منځه یوسم، خو دا نور هم پراخ شو."

د اسرائیلو په  رسنیو کې په خپرو شویو راپورونو کې ویل شوي چې د ګالنټ پر ځای د دفاع وزارت دنده اوسني بهرنیو چارو وزیر یسرائیل کاتز ته سپارل شوې ده.

دا څرګنده وه چې د نتنیاهو او ګالنټ ترمنځ اړیکې خرابې وې. د اسرائیلو لومړي وزیر مخکې هم هڅه کړې وه چې ګالنټ له دندې ګوښه کړي، خو د لاریونونو وروسته یې له خپل دې تصمیم څخه شاته ګام واخیست.