عراق د دفاع وزیر : امریکايي ځواکونه به د دوو کلونو په دننه کې له عراق ووځي

د عراق د دفاع وزیر ثابت عباسي ویلي، دوی له واشنګټن سره د دوو کلونو په دننه کې له عراقه د ټولو امریکايي پوځیانو د ویستو په اړه موافقې ته رسیدلي دي.

عباسي له العربیه الحدیث ټلویزیون سره په مرکه کې له عراق څخه د امریکايي پوځیانو د وتلو مسئلې په اړه ارزونې وکړې.

عباسي وویل چې امریکايي پوځیان به په دوو کلونو کې له عراقه ووځي.

"په عراق کې د امریکا په مشرۍ د ایتلافي ځواکونو د ماموریت په دوو پړاوونو کې د پای ته رسولو لپاره یوه موافقه وشوه. د وتلو لومړی پړاو به په روان کال کې پیل او تر ۲۰۲۵ کال پورې دوام وکړي. د وتلو دویم پړاو به په ۲۰۲۶ کال کې بشپړ شي."

عباسي دا هم وويل چې د امريکا د دفاع وزير لويډ آسټن په دې باور و چې د وتلو لپاره دوه کاله موده کافي نه ده او د يو بل کال د زياتولو غوښتنه يې وکړه، خو بغداد د دې مودې له زياتولو څخه انکار وکړ.

د عراق د دفاع وزیر عباسي زیاته کړه چې له واشنګټن سره به په راتلونکو ورځو کې د وتلو تړون لاسلیک شي.