قطر : د حماس او اسرائیلو ترمنځه د بندیانو تبادله نږدې ده او ډیر کم خنډونه پاتې دي

د قطر لومړي وزیر او د بهرنیو چارو وزیر شیخ محمد بن عبدالرحمن آل ثاني ویلي، د حماس او اسرائیلو ترمنځ د بندیانو د تبادلې په اړه په خبرو کې لږې لوژیستیکي ستونزې پاتې دي.

ال ثاني په پلازمینه دوحه کې د اروپايي اتحادیې د بهرنیو چارو او امنیتي تګلارې له لوړپوړي استازي جوزف بوریل سره په ګډه خبري غونډه کې ګډون وکړ.

هغې د دې په بیانولو سره چې دوی له بوریل سره په غزه کې د اوربند په رامینځته کولو خبرې وکړې ، ال ثاني وویل چې دوی په غزه کې د "نسل وژنې ، لوږې او جبري کډوالۍ" په اړه هم خبرې وکړې.

ال ثاني د جګړې د درولو او د مرستو د ننوتلو لپاره د بشري دهلیزونو پرانیستلو ته په اشارې سره وویل: زموږ لومړیتوبونه سمدستي اوربند، د غزې په تړانګه کې د ټولو غچ اخیستونکو او بې توپیره بریدونو پای، نسل وژنه، لوږه او جبري کډوالۍ مسئله ده. همداشان مونږ  پر غزې د محاصرې  پای چې په غزه باندې د ډیرو کلونو راهیسې لګیدلې ده خبرې وشوې." "دا ظالمانه محاصرې باید پایته ورسول شي."

ال ثاني دې ته په اشارې سره چې د حماس او اسرائیلو ترمنځ د بندیانو تبادله به ژر ترسره شي، وویل: "موږ یوازې د حماس او اسرائیلو ترمنځ د بندیانو د تبادلې په برخه کې لږې ستونزې لرو."

ال ثاني وویل چې دوی د غزې د محاصرې د ماتولو او هلته د اسرائیلي یرغمل شویو بندیانو په اړه هم خبرې وکړې او په نړیواله ټولنه یې غږ وکړ چې په غزه کې د اسرائیلو لخوا د روان قتل عام په وړاندې ودریږي.

الثاني په دې خبرې په ټینګار سره چې د اسرائیلو پوځ له څه باندې یوې نیمې میاشتې راهیسې د غزې په تړانګه باندې خپلو حملو ته دوام ورکوي، د دغو بریدونو له امله په غزه کې د بشردوستانه، اخلاقي او حقوقي ناورین رامینځته کیدو ته اشاره وکړه او وویل چې نړیواله ټولنه نن ورځ ددې ستر ناورین په مخنیوي کې پاتې راغلې او عاجزه ده.

ال ثاني پر اسرائیلو هم غږ وکړ چې د ملګرو ملتونو د امنیت شورا پریکړه لیک ته غاړه کیږدي او پر غزې بریدونه ودروي او بشري دهلیزونه پرانیزي.