قطر د بلجیم په پلازمینه بروکسل کې د ناټو سازمان په قرارګاه کې نماینده ګي پرانیزي.

د قطر د رسمي خبري اژآنس د خبر له مخې د قطر او ناټو سازمان ترمنخه د لاسلیک شوي تړون له مخې قطر په بروکسل کې د ناټو سازمان په قرارګاه کې د نماینده ګۍ د پرانیستو پریکړه وکړه.

قطر ویلي دي چې د ناټو په قرارګاه کې  د نماینده ګۍ د پرانیستو پریکړه په اصل کې د قطر او ناټو سازمان ترمنځه د ښو او نږدې اړیکو ښکارندويي کوي. دا زمونږ د ښو اړیکو نتیجه ده.

قطر  په ۲۰۰۵ کال کې د استانبول د همکاریو د تشبث د غړیتوب په ترلاسه کولو سره د ناټو سره  اړیکې پيل کړې.

همداشان په ۲۰۱۸ کال کې د ناټو سازمان سره د امنیتي ، استخباراتو او پوځي برخو کې عسکري تړونونه لاسلیک کړل.

قطر وايي چې ددې هیواد هدف د ناټو سازمان قوي غړیتوب ترلاسه کول دي.

د قطر د دفاع وزیر خالد بن محمد العطیه په ۲۰۱۸ کال کې ویلي وو چې هیواد يي د پوځي پياوړتیا او طاقت له پلوه د سیمې د مهمو هیوادونو نه یو دی. زمونږ هدف د ناټو سازمان پوره غړیتوب ترلاسه کول دي.