په عراق کې په یو نانوايي کې درنده چاودنه شوې

د عراق په سویل کې په دیوانیه ښار کې په یو نانوايي کې د چاودنې له امله ۲۶ تنه ټپیان شوي دي چې لږ تر لږه د ۳ روغتیايي حالت يي باریکه دی.

د دیوانیه ښار امنیتي مقاماتو خبري رسنیو ته ویلي دي د لومړنیو تحقیقاتو له مخې ګمان کیږي چې چاودنه د ګازو له امله رامنځته شوي وي.

پدې چاودنه کې ۲۶ تنه ټپیان شوي دي چې د درملنې په موخه روغتون ته انتقال شوي دي. د ټپیانو نه د ۳ تنو روغتیايي حالت ښه ندی.

همداشان چاودنې سیمې ته د پام وړ مالي زیانونه هم اړولي دي. ویل کیږي چاودنه دومره زوروره وه چې شاوخوا ودانۍ هم نړولې دي.

د پيښې په اړه تحقیقات پيل شوي دي.

د ویلو ده چې لنډه موده مخکې د عراق په پلازمینه بغداد کې په یو بازار کې دوه غبرګې چاودنې شوې وې چې له امله يي څه باندې ۳۰ تنو ژوند د لاسه ورکړی او ۱۱۰ تنه نور ټپیان شوي وو.

ددې چاودنو مسئولیت داعش ترهګرې ډلې په غاړه اخیستی وو.