په بیروت کې مظاهرې دوام لري
د لبنان په پلازمینه بیروت کې تیر ماښام د مظاهره کوونکو او امنیتي ځواکونو ترمنځه چې غوښتل يي د پارلمان ودانۍ پر لورې لاریون وکړي اخوډب رامنځته شو.
پولیسو پر مظاهره کوونکو د اوښکو بهوونکو ګازو نه کار واخیست.
د لبنان د پلازمینې بیروت په مرکز د شهیدانو په میدان کې سره راټول شوو په سلګونو تنو مظاهره کوونکو د اګست په څلورمه نیټه د بیروت په بندر کې د رامنځته شوې خونړۍ او ویجاوړونکې چاودنې له امله د هیواد د یو زیات شمیر سیاستوالو پر خلاف مظاهره وکړه. مظاهره کوونکو ددې چاودنې مسئولیت پدې سیاستوال اچوله.
مظاهره کوونکو چې غوښتل د پارلمان د ودانۍ پر لورې لاریون وکړي په سیمه کې د ځای په ځای شوو پولیسو سره په نښته کې ښکیل شول.
مظاهره کوونکو پر پولیسو د تیګو بریدونه کول او پولیسو بیا د اوښکو بهوونکو ګازو سره ځواب ورکولو.
د بله پلوه د لبنان د ولسمشر میشل عون زوم او د پارلمان وکیل شامل روکوز چې غوښتل د مظاهره کوونکو پر ملاتړ په مظاهره کې ګډون وکړي د مظاهره کوونکو لخوا ورته په مظاهره کې د ګډون اجازه ورنکړل شوه.
مظاهره کوونکو ویل چې نه غواړي هیڅ سیاسي څیرې ته په مظاهره کې د ګډون اجازه ورکړي. د مظاهره کوونکو او د ولسمشر د زوم ترمنځه لفظي مشاجره هم وشوه.
همداشان یوه ورځ مخکې هم په بیروت کې راټول شوو په زرګونو تنومظاهره کوونکو په بیروت کې د رامنځته شوې چاودنې مسئولیت چې له کبله يي ۱۵۸ تنه مړه او څه باندې ۶۰۰۰ تنه نور ټپیان شوي دي مسئولیت پر پارلمان واچو او د پارلمان پر خلاف يي مظاهره وکړه.
مظاهره کوونکو د بهرنیو چارو وزارت په ګډون د یو زیات شمیر وزارت خانې اشغال او سخت زیان يي ورته ورسو.
پدې مظاهره کې یو تن امنیتي سرتیري ژوند د لاسه ورکړی وو او ۷۰ تنو امنیتي پولیسو په ګډون ۲۳۸ تنه نور ټپیان شوي وو.
پولیسو ۲۰ تنه مظاهره کوونکي نیولي هم وو.
اړوند خبرونه
د غزې په تړانګه کې د اسرائیلو په بریدونو کې د وژل شوو فلسطینیانو شمیر ۳۲ زره ۵۵۲ تنو ته لوړ شو.
اسرائیل د اکتوبر له اوومې راهیسې په غزه کې قتل عام ته د خپل ټول توان سره دوام ورکوي.