ایراني قومندان په سوریه کې خپلو پلوي ډلو ته د امریکا پر خلاف جګړې ته چمتو اوسۍ امر وکړ

د ایران د انقلاب ساتوونکو پوځ  د قدس د ځواکونو قومندان  قاسم سلیماني  د سوریې نه لیدنه وکړه.

1242902
ایراني قومندان په سوریه کې خپلو پلوي ډلو ته د امریکا پر خلاف جګړې ته چمتو اوسۍ امر وکړ

هغه  په سوریه کې  ایراني پلوه  ترهګرو ډلو د امریکا په مقابل کې  جګړې ته  پوره چمتوالي د نیولو امر وکړ.

د سیمه ایزو سرچینو د معلوماتو له مخې  سلیماني  پرون د سوریې د دیروزور د ولایت نه لیدنه وکړه.

هغه  پداسې حال کې په سوریه کې د ایراني پلوه  ترهګرو ډلو نه لیدنه وکړه چې  امریکا  په سوریه کې د ازادې سوریې ځواکونو نه ملاتړ  او د هغوې روزنه  له سره  پيل کړه.

سلیماني د نوموړو ډلو سره په لیدنه کې  د امریکا په مقابل کې  جګړه د چمتوالي د نیولو امر وکړ. هغه وویل چې د امریکا په مقابل کې د جګړې په مسئله کې د بشار اسد سره  هیڅډول اختلاف د نظر نلرو. هغه پدې برخه کې  نوموړو ترهګرو ډلو ته  پوره ډاډ او ضمانت ورکړ.

سرچینې ویلي دي چې سلیماني  د نوموړو ترهګرو ډلو سره  د لیدنې سربیره  په نوموړي هیواد کې د ایراني سلاکارانو سره هم  لیدنه کړې ده . پدې لیدنه کې د سوریې د حمص په ښار کې د داعش ترهګرې ډلې په موجودیت، د سوریې، عراق او اردن په پولو کې  د تانیف په سیمه کې د امریکا او ازادې سوریې د ځواکونو په موجودیت  او عراق نه  راوستونکو  شیعه ملیشو  په مسئلې خبرې کړي دي.

سلیماني  د عراق سره په پوله کې د سوریې  د نفتو د کوهیانو نه هم  لیدنه وکړه.

د ویلو ده چې امریکا متحده ایالتونو چې د ډیرې اوږدې مودې راهیسې د سوریې په سویل کې د ازادې سوریې د ځواکونو سره خپلې مرستې پرې کړې وې  تیره اوونۍ له سره پیل کړې.

ایراني پلوه ډلې  د سوریې په سویل ختیځ سیمو کنټرول په لاس کې لري.  



اړوند خبرونه