د عراق ولسمشر ترکي پانګه والو ته پدې هیواد کې د پانګه اچونې بلنه ورکړه

د عراق ولسمشر برهم صالح  په ترکي شرکتونو د عراق د بیاودانولو په برخه کې  پدې هیواد کې پانګه اچونې ته  دعوت کړل.

1190183
د عراق ولسمشر ترکي پانګه والو ته پدې هیواد کې د پانګه اچونې بلنه ورکړه

 

د عراق د ولسمشرۍ ماڼۍ د معلوماتو له مخې  د نوموړي هیواد ولسمشر برهم صالح په  بغداد کې د ترکیې لوی سفیر فاتح یلدز، د ترکیې د ساختماني شرکتنو د ټولنې رئیس میتات یني ګون  او ورسره  مل  هیئت  د ولسمشرۍ په ماڼۍ کې حضور ته قبول کړل.

د عراق ولسمشر  صالح  پدې لیدنه کې د ترکیې او عراق ترمنځه  قوي  او ژورو اړیکو نه په یادونه شره وویل چې  د دواړو هیوادونو ترمنځه باید اقتصادي او تجاري اړیکې او همکاریو کچه  لا پسې بیا غښتلې  او قوي شي.

هغه وویل چې  عراق  بهرنیو پانګه اچونو ته  اړتیا لري، د ترکیې شرکتونه چې  په ساختماني  او نورو برخو کې کافي تجربه لري  د عراق د بیاودانولو په برخه کې ورته  دلته د پانګه اچونو  بلنه ورکوو. د ترکي شرکتونو نه غوښتنه کوو چې  د عراق د بیاودانولو په برخه کې  زمونږ سره مرسته وکړي.

همداشان  په عراق کې د ترکیې لوی سفیر فاتح یلدز وویل چې  ترکیه او ترکي شرکتونه  په عراق کې د سترو پروژو  د بیارغونې  او پانګه اچونو ته  تیار دي.

د بله پلوه  تیره ورځ  د عراق په پلازمینه بغداد کې  ( د عراق د بیارغونې په خاطر د ترکیې او عراق  ګډ ساختماني  فورم  ) تر نامه  لاندې  اقتصادي غونډه وشوه.

پدې غونډه کې د عراق د سوداګرۍ وزیر محمد هاشم الاني او په عراق کې د ترکیې لوی سفیر فاتح یلدز سربیره د ترکيې د ساختماني شرکتونو د ټولنې رئیس  او د ترکیې او عراق د یو زیات شمیر ساختماني شرکتونو  مشرانو ګډون کړی وو.



اړوند خبرونه