په عراق کې د یوې مساپر وړونکې کښتۍ د ډوبیدو له امله  د مړو شمیره د پام وړ لوړه شوه.

په عراق کې مساپر وړونکې کښتۍ ډوبه شوه

په عراق کې د یوې مساپر وړونکې کښتۍ د ډوبیدو له امله  د مړو شمیره د پام وړ لوړه شوه.

 

د عراقي مقاماتو د معلوماتو له مخې ددې سترې فاجعې د قربانیانو شمیره  سلو تنو ته لوړه شوې ده .

د ویلو ده چې  تیره ورځ د عراق د موصل ښار ترڅنګ  د دیجله په سیند کې  یوه مساپر وړونکې کښتۍ  د حد نه زیات  بار  له امله  په سیند کې ډوبه شوه.

پدې پيښه کې  تر اوسه پورې ۱۰۰ تنو ژوند د لاسه ورکړی  چې  ښځې او ماشومان هم پکې شتون لري.

په نوموړې پيښه کې  ۵۵ تنه  ژوندي  ژغورل شوي دي. عراقي مقاماتو ویلي دي چې  په لسګونو تنه چې د نوروز د لمانځولو په موخه  یوې تفریحي سیمې ته په کښتۍ کې روان ول  کښتۍ د نامعلوم لامل  له امله  په اوبو کې ډوبه شوه.

ځايی مقاماتو ویلي دي چې  په سیند کې د اوبو د جریان  له امله  د ډیری قربانیانو مړي  اوبو نورو سیمو ته وړي دي.

ویل کیږي  ددې پیښې ډیری قربانیان  ښځې او ماشومان  دي. ویل کیږي ددې پیښې د ځینو قرنیانو مړي  د پيښې د ځای نه  ۳۰ کیلومتره لرې  په اوبو کې موندل شوي دي.

د عراق لومړي وزیر عادل عبدالهمدي  د پيښې د ځای نه لیدنه وکړه او وروسته په هیواد کې  درې ورځې ملي ماتم اعلان کړ.

هغه  سیمه ایزو مسئولینو ته د ۲۴ ساعتونو په دننه کې ددې پیښې د ټولو جزیاتو په اړه  راپور جوړ او دې ته د سپارولو هدایت ورکړ.

د عراق څارنوالۍ ویلي دي چې ددې پیښې په تړاو ۹ تنه نیول شوي دي او د کښتۍ د خاوند د نیولو امر هم صادر شوی دی.

ویل کیږي  په لومړنیو  تحقیقاتو کې  معلومه شوې ده چې دا کښتۍ  د حد نه ډیرو د مساپرو او بار  له امله  په سیند کې ډوبه شوې ده .



اړوند خبرونه