د کویټ  خلک  د نړۍ په مشرانو کې تر ټولو ډیر  د ترکیې د ولسمشر رجب طیب اردوغان سره  مینه لري.

په کویټ کې تر ټولو محبوترین بهرنی ولسمشر د ترکیې ولسمشر دی

د کویټ  خلک  د نړۍ په مشرانو کې تر ټولو ډیر  د ترکیې د ولسمشر رجب طیب اردوغان سره  مینه لري.

 

دا خبره  د امریکا  مطالعاتي ستراتیژۍ  واشنګټن انیستیتیوت  کړې ده . یاد شوي انیستیتیوت په کویټ کې  د نړۍ د مشرانو په اړه  نظرپوښتنه کړې ده .

د کویټ د القبس  ورځپاڼې د نوموړې نظر پوښتنې  پایلې  خبرې کړي او پدې اړه يي  یو خبر خپور کړی دی.

یاد شوې ورځپاڼې « د کویټ خلک ټرمپ  پر خلاف قهر  او د اردوغان پر وړانډې مینه لري »  د سرلیک لاندې  خبر خپور کړی دی.

په خبر کې راغلي دي چې په کویټ کې  د امریکا  متحده ایالتونو  د ولسمشر دونالد ټرمپ  محبوبیت  پنځه  سلنه دی  او ددې په مقابل کې  د ترکیې د ولسمشر رجب طیب اردوغان  محبوبیت ۶۴ سلنه  دی.

پدې نظر پوښتنه کې دا معلومه شوې ده چې  د کویټ  کې  د نړۍ د  مشرانو په منځ کې تر ټولو زیات  د ولسمشر اردوغان سره  مینه لري. همداشان په دویم کتار کې بیا د چین ولسمشر شي جین پینګ  قرار لري. همداشان  د روسیې ولسمشر ولادیمیر پوتین د امریکا د ولسمشر ټرمپ سره  په عینې  ګټګورۍ کې  قرار نیولی دی.

د یادولو وړ ده چې پدې وروستیو کلونو کې د ترکیې او کويټ ترمنځه  د اړیکو پراختیا  او په متقابله توګه په لوړه کچه  سفرونو  د حکومتي اړیکو سربیره ددې هیواد پر خلکو هم  مثبتې اغیزې کړي دي.

د کویټ امیر شیخ صباح الاحمد الجابر په ۲۰۱۷ میلادي کال کې  د لومړي ځل لپاره ترکیې ته راغلی وو. ددې په مقابل کې ولسمشر اردوغان هم  د یو کال په دننه درې ځلې کویټ ته  سفر  وکړ.



اړوند خبرونه