سعودي عربستان لومړنۍ مخابراتي سپوږمه کۍ فضا ته وتوغوله

د سعودي عربستان د رسمي خبري اژانس د خبر له مخې  ، سعودي عربستان خپل لومړنۍ مخابراتي سپوږمه کۍ اس جي اس ۱ د فرانسې د ګویانا د فضايي ستیشن نه  فضا ته وتوغوله.

سعودي عربستان  غواړي چې  ددې سپوږمه کۍ سره  د خپل هیواد سربیره  د تجاري موخو لپاره  په منځني ختیځ، شمالي افریقا ، اروپا، افریقا او منځنۍ اسیا په لویه برخه کې  خدمات  وړاندې کړي.

دا سپوږمه کۍ چې  ۶ نیم ټنه  وزن لري  د څه باندې  شلو کلونو لپاره به خدمات وړاندې کړي.

دا سپوږمه کۍ د سعودي عربستان او امریکا لخوا په ګډه  جوړه شوې ده . دا سپوږمه کۍ  د ملک عبدالعزیز د علم او تکنالوژۍ د ښارګوټي  او لاک هید مارتین د امریکايي شرکت  په  همکارۍ  تولید شوې ده .

دا  سپوږمه کۍ به  لا ډاډمن  او چټک  مخابراتي خدمات  وړاندې کړي. د لرې پرتو سیمو لپاره به هم  مخابراتي  خدمات  وړاندې کړي.