په دمشق کې د روسیې د سفارت ترڅنګ چاودنه وشوه

د سوریې  په پلازمینه  دمشق کې  د روسیې  د سفارت ترڅنګ  چاودنه وشوه.

د روسیې خبري اژانس  د سوریې په پلازمینه دمشق کې  د روسیې  د سفارت ترڅنګ  د چاودنې نه خبر ورکړی دی.

د سوریې  رسمي خبري اژانس ویلي دي چې په پلازمینه دمشق کې د العدوی په سیمه کې  د روسیې  د سفارت ترڅنګ  د موټر پر مټ  چاودنه وشوه. 

یاد شوی خبري اژانس ویلي دي چې پدې پیښه کې  چاته ځاني زیان ندی اوښتی. یواځې سیمې ته د پام وړ مالي زیان اوښتی دی.

د ویلو ده چې د العدویه  سیمه  د پلازمینې دمشق  تر ټولو مهمه سیمه  ده چې ډیری  دولتي ادارې  او د روسیې سفارت پکې شتون لري.