په عراق کې د حشد الشعي  مهم  مشر  ووژل شو.

په عراق کې د حشد الشعي  مهم  مشر  ووژل شو.

د عراق په پلازمینه  بغداد کې د حشد الشعبي  ملیشه ځواکونو عمومي مالي ریس  د خپل کور په مخکې په وسله وال برید کې ژوند د لاسه ورکړ.

د حشد الشعبي  د ډلې لخوا په خپور شوي بیان کې ویل شوي دي چې  ددوې  د مالي چارو عمومي ریس  قاسم ضعیف  د پلازمینې بغداد  په سویل کې د بایا  په سیمه کې  د خپل کور په مخکې د نامعلومو وسله والو لخوا  ووژل شو.

د یادولو وړ ده  چې د حشد الشعبي ملیشه  جنګیالیو  تیره ورځ  په پلازمینه بغداد کې د تنخواګانو د نه ترلاسه کولو له امله  مظاهره کړې وه.

د بله پلوه ویل کیږي چې د حشد الشعبي  د ډلې په مالي چارو کې  نږدې ۲۲ میلیونه ډالره  درغلې شوي دي.

د عراق  لومړي وزیر حیدرالعبادي  خبري غونډې ته  د حشد الشعبي  په ډله کې  د مالي درغلیو نه خبر ورکړی وو.

هغه ویلي وو چې ددې  ډلې لپاره په ځانګړې شوې بودیجه کې  د پام وړ درغلۍ شوي دي. هغه  پدې درغلیو کې  د یادې شوې ډلې  د مشرانو د هادي الامیري او ابو مهندس  نه یادونه شوې ده .