فلسطین د ټرمپ د سولې پلان رد کړ

د فلسطین  ولسمشر محمود عباس  د فلسطین په اړه  د امریکا متحده ایالتونو د ولسمشر دونالد ټرمپ  د سولې پلان  رد کړ.

محمود عباس  دا څرګندونې  د فلسطین د ازادۍ د سازمان د مرکزي شورا په غونډه کې وکړې .

هغه وویل چې  د فلسطین په اړه د دونالد ټرمپ  د سولې پلان  نه منو  .

هغه زیاته کړه  هغه  چا چې  د فلسطین  پلازمینه  بیت المقدس د اسراییلو د پلازمینې په توګه  په رسمیت پیژندلی  وي  د هغه  د سولې پلان هم  مونږ  نه منو.

هغه وویل چې  زمونږ لپاره  د ټرمپ د سلو کلونو په نامه  د سولې  پلان  د منلو وړ ندی.

مونږ  پدې برخه کې  د هیچا د امر لاندې نه یو. فلسطین  دا پلان  په هیڅډول نه مني.

د یادولو وړ ده چې  د امریکا  ولسمشر ټرمپ  د سلو کلونو د پلان  په نامه  د اسراییلو او فلسطین د سولې لپاره  یو پلان جوړ کړی  . امریکا  دا پلان  د سعودي عربستان د ولیهعد شهزاده  محمد بن سلمان په واسطه  فلسطیني چارواکیو ته  رسولی وو.

فسلطین د ازادۍ سازمان  د اجراییوي  شورا غړي  ددینه مخکې هم  ویلي وو چې دا پلان ددوې لپاره په هیڅډول د منلو وړ ندی. ځکه چې دا پلان په اصل کې د فلسطین د تصفیه کولو  پلان  دی. خو داځل  د فلسطین  ولسمشر محمود عباس  دا پلان په کلکه توګه رد کړ  او وویل چې دا پلان  ددوې لپاره د منلو وړ ندی.