په سعودي عربستان، بحرین او متحده عربي اماراتو کې د قطریانو لخوا ټاکل شوی مهلت سرته ورسید

سعودي عربستان، متحده عربي اماراتو او بحرین لخوا پدې هیوادونو کې د میشتو قطریانو لپاره ددې هیوادونو  نه د وتو  په خاطر ټاکلی  مهلت پایته ورسید.

د یادولو وړ ده چې  نوموړو دریو هیوادونو په قطر کې میشتو خپلو وګړو ته هم  خپلو خپلو هیوادونو ته د رارستنیدو په خاطر  ۱۴ ورځې مهلټ ټاکلی وو.

سعودي عربستان، متحده عربي اماراتو ، بحرین او مصر د روانې جون میاشتې په ۵ مه نيټه  په قطر  د ترهګریزو ډلو نه د ملاتړ په بهانه  بندیزونه ولګول. نوموړو هیوادونو د قطر سره  خپلې ټولې سیاسي ، اقتصادي او کولتوري اړیکې پرې کړې او په خپلو هیوادونو کې میشتو قطریانو لپاره  ددوې د هیوادونو نه د وتو په خاطر ۱۴ ورځې مهلت وټاکه.

ټاکل شوی  مهلت  پرون  شپه  په ۱۲ بجو پایته ورسید.

د قطر بشري حقونو ملي کمیټې  یو څه موده  وړاندې په خپور کړي راپور کې ویلي وو چې په قطر کې د سعودي عربستان، متحده عربي اماراتو او بحرین ۱۱ زره ۳۸۷ تنه  او پدې دریو هیوادونو کې بیا  ۱۹۲۷ تنه قطریان  ژوند کوي.