په استانه کې  د سوریې د جوړجاړي په موخه  د سولې مذاکرات  پایته ورسیدل.

د قزاقستان په پلازمینه استانه کې  د سوریې د جوړجاړي په موخه  د سولې مذاکرات  پایته ورسیدل.

د نوموړو مذاکراتو په پای کې  ترکیې، روسیې او ایران  د ضمانت کوونکو هیوادونو په توګه ګډ پریکړه لیک  خپور کړ.

ترکیې ، روسیې او ایران  په سوریه کې د تیر کال  د دسمبر په ۳۰ مه نیټه  د اعلان شوي  اوربند  د څار په موخه  د یو ګډ میکانیزم  د جوړولو پریکړه وکړه.

په قزاقستان کې  د سوریې  د سولې د مذاکراتو پریکړه لیک  د قزاقستان  د بهرنیو چارو وزیر قیرات عبدالرحمانوف  لخوا ولوستل شوه.

په پریکړه کې لیک کې راغلي دي چې  ترکیې، روسیې او ایران  په سوریه کې  د اعلان شوي  اوربند نه  د څار په خاطر  د ګډ میکانیزم د جوړولو پریکړه وکړه.

دا هیوادونه  غواړي چې  ددې سره  په سوریه کې اعلان شوی  اوربند  لا په ښه توګه  تطبیق  کړي.

په پریکړه لیک کې  ترکیې ، روسیې او ایران  په ګډه  ددې خبرې په ټینګار ویلي دي چې  د عسکري لارو څخه د سوریې د روانې ستونزې حل ناشونی  دی . همداشان  یادو شوو هیوادونو په نړۍوالې ټولنې  د سوریې په اړه  د ملګروملتونو د امینت شورا د ۲۲۵۴ شمیره  پریکړه لیک نه د ملاتړ کولو غږ کړی دی.

همداشان په پریکړه کې راغلي دي چې  درې واړه  ضمانت کوونکي  هیوادونه  په جینیوا کې  د سوریې د سولې په مذاکراتو کې د مخالفو ډلو د ګډون پلوي کوي  او د مخالفو ډلو او ترهګرو ډلو ترمنځه  د توپیر غوښتنه کوي.

ترکېې، روسیې او ایران  د سوریې ارضي تمامیت ته  د پوره درناوي  ژمنه وکړه.

درې واړو هیوادونو  په سوریه کې  د ترهګرۍ پر وړانډې د ګډې مبارزې ژمنه وکړه . نوموړو هیوادونو  په استانه کې د سوریې د سولې د مذاکراتو په اهمیت هم ټینګار وکړ.