هانیه : په فلسطین کې د ملي یووالي ګډ حکومت به په لنډه موده کې ا

هانیه : په فلسطین کې د ملي یووالي ګډ حکومت به په لنډه موده کې اعلان شي.

په غزه کې د حماس  د ډلې  لومړي وزیر اسماعیل هانیه  وویل چې د حماس او الفتحې د ډلو ترمنځه  د شوي تفاهم  په چوکاټ کې د ملي یووالي ګډ حکومت  په لنډه موده کې اعلان شي.

اسماعیل هانیه  د خان یونس  په ښار کې د یو عسکري روغتون  د پرانیستو په مراسمو کې  د خپلې وینا په ترڅ کې وویل کیدای شي چې د ملي یووالي ګډ حکومت یو څو ساعته او یا هم  څو ورځې وروسته  هر څه ژر اعلان شي.

نوموړي زیاته کړه چې  د حماس ډله  د ۲۰۰۷ کال راهیسې د غزې اداره  په لاس کې لري او خدمت ته به دوام  ورکړي. نوموړي  د فلسطین خلکو ته په خطاب کې وویل که په حکومت کې  ځای  ولرو او یا هم  ونه لرو خو بیا هم  به ستاسې سره په ګډه  د وطن خدمت ته  دوام ورکړو.

اسماعیل  هانیه  د اسراییلو په زندان  کې د زنداني فلسطینیانو د نه خوړو د اعتصاب  په اړه وویل چې  د خپل عزت او شرف په خاطر دا ستونزې ګالي. همداشان  نوموړي د اسراییلو سره  د سولې د مذاکراتو په اړه وویل چې  مذاکرات  ناشوني شوي دي او د ازادۍ ته د رسیدو په خاطر یواځنۍ لار مقامت  دی.