د فوټبال د نړيوال جام دويم پړاو پاى ته ورسېد.

د فوټبال د نړيوال جام دويم پړاو پاى ته ورسېد.
د فوټبال د نړيوال جام په دويم پړاو كې تېره شپه د بلجيم – امريكا متحدو ايالتونو او ارجنټاين- سويس هېوادونو سيالۍ وكړې.
ددې پړاو لومړۍ سيالي د ارجنټاين او سويس د هېوادونو ترمېنځ ترسره شوه. ارجنټاين وكولاى شول چې په ۱۱۸مه دقيقه كې سويس ته د ۰ په مقابل كې په ۱ ګول سره ماتې وركړي او منځلوبې ته ځان ورسوي. په ورته ډول د بلجيم هېواد هم د امريكا د متحدو ايالتونو د هېواد د لوبډلې په ماتولو بريالى شو. بلجيم د ۱ په مقابل كې په ۲ ګولو سره سيالي وګټله او منځلوبې ته ورسېد.
د منځلوبې سيالۍ به د دوه ورځو ځنډ نه وروسته د جولاى د مياشتې په ۴مه نېټه پيل شي. پدې ډول به د جمعې په ورځ د جرمنې – فرانسې او برازيل – كولمبيا هېوادونه يو بل سره سيالي وكړي.