عراقچي : ایران حق لري چې اسرائیلو د بریدونو په ځواب کې پر اسرائیلو برید وکړي

د ایران بهرنیو چارو وزیر عباس عراقچي وویل چی  ایران د اسرائیلو لخوا پر ایران  د اکتوبر ۲۶ نیټې برید ته د ځواب ورکولو پوره حق لري.

عراقچي چی د ملګرو ملتونو د تمدنونو اتفاق په ۱۰م نړیوال فورم کې  د ګدون په موخه پرتګال ته تللی دی ، هلته د خبریالانو پوښتنې ځواب کړې.

عراقچي وویل، " ایران د اسرائیلو تیر میاشت هوایي بریدونو په اړه د پوښتنې په ځواب کې وویل چې ایران  د ځواب په توګه  د ورته برید کولو حق لري، خو پدې برخه کې به په لبنان کې د اوربند موافقه او نور سیمه ایزو پرمختګونه هم وارزوي."

عراقچي د لبنان او اسرائیلو ترمنځ د اوربند موافقی هرکلی وکړ او هیله یی وښوده چی دا موافقه به دایمي اوربند ته لاره هواره کړي.

اسرائیلو پوځ د اکتوبر پر ۲۶ شپه د ایران پر "پوځي موخو" برید وکړ، او تهران اعلان وکړ چی "د غچ اخیستو لپاره چمتو دي او متناسب ځواب به ورکړي."