د ایران په کرمان ښار کې یوه سرتېري خپل پنځه ملګري په ډزو وژلي دي.
ایراني سرتیري خپل پنځه تنه ملګري سرتیري په ډزو ووژل
د ایران په کرمان ښار کې یوه سرتېري خپل پنځه ملګري په ډزو وژلي دي.
د ايران د رسمي خبري اژانس ايرنا د خبر له مخې، د ايران د پوځ په جنوب ختيځ کې د سيمه ييز مرکزي قوماندانۍ قوماندان امير غلامعلیان وویل " زمونږ یو تن سرتیري د وظیفې پر مهال د سرتیرو استراحتګاه ته د راننوتلو سره په سرتیرو ډزې پیل کړې. پدې پیښه کې پنځو تنو سرتیرو خپل ژوند له لاسه ورکړ . برید کوونکی سرتیری چې د برید نه وروسته تښتیدلی وو نیول شوی دی. "
هغه وویل چې دا پیښه پرون په ځايي وخت د مازیګر په ۴ بجو او ۳۵ دقیقو کې رامنځته شوې ده .
هغه ویلي دي چې تر اوسه د برید لامل معلوم نه دی، برید کوونکی نیول شوی او تحقیقات ترینه دوام لري.
همداشان د نیول شوي سرتیري سره دوه میله کلاشینکوفه، ۱۸۰ مرمۍ ، ۶ شارژور او ۲ موټرې چې غلا کړې وې نیول شوي دي.
اړوند خبرونه
په پاکستان کې د شیعه او سوني ډلو ترمنځه په نښتو کې د مړو شمیره د ۱۳۰ تنو نه واوښته
پاکستان شمال لویدیځ کي د دوو اونیو راهیسي په روانو مذهبي جګړو کي د مړو شمیره ۱۳۰ تنو نه واوښته.
