په ایران کې د سیلابونو له امله د مړو شمیره ۹۰ تنو ته لوړه شوه

په ایران کې د سختو بارانونو له امله د راوتلو سېلابونو په پایله کې د وژل شویو کسانو شمېر ۹۰ تنو ته ورسېد.

د ویلو ده چې سیلابونو د هېواد ډېری برخې په ځانګړې توګه پلازمېنه تهران اغېزمنې کړي دي.

د ایران د سرې میاشتې رئیس پیر حسین کلیوند د ایران رسمي اژانس ایرنا ته ویلي چې په سېلاب کې د وژل شویو کسانو شمېر ۹۰ تنو ته رسېدلی او ۸ تنه لا هم ورک دي.

د ایران د رسمي سرچینو په وینا، د سیلاب ځپلو په ۲۴ ولایتونو کې د لټون او ژغورنې د فعالیتونو سربیره، د سیلاب ځپلو سره د مرستې هڅې دوام لري.