په پاکستان کې د واورو او بارانونو له امله ۷۱ تنو ژوند د لاسه ورکړی

د پاکستان د بلوچستان  او کشمیر په ایالتونو کې  د تیرې یکشنبې راهیسې  په دوامداره توګه  د وارو د اورښت  په نتیجه کې  د یو زیات شمیر کورونو  چتونه  نړیدلي دي.

په پاکستان کې د واورو او بارانونو له امله ۷۱ تنو ژوند د لاسه ورکړی

 

پدې سیمو کې  د کورونو  د چتونو  د نړیدو  ، وارو خویدو او سیلاونو له امله  د مړو شمیره  ۷۱ تنو ته  لوړه شوه.

د بلوچستان  ایالت د ناورین د ادارې  رئیس  عمران زرقون  خبري رسنیو ته ویلي دي چې د تیرې یکشنبې د ورځې راهیسې په سیمه کې  په دوامداره توګه د واروې د اورښت له کبله د یو زیات شمیر کورونو چتونه  نړیدلي دي چې پدې پیښو کې  ۲۲ تنو ژوند د لاسه ورکړی دی.

همداشان  د پاکستان  د ازاد کشمیر ، سند او پنجاب په ایالتونو کې  د واورې او بارانونو  د اورښت  په نتیجه کې  واورو د خویدو  او سیلاونو ته  لار هواره کړې ده .

د پاکستان د ناورین د ملي ادارې ریاست  ویلي دي چې د  کشمیر د نیلم  په سیمه کې  د واورو د خویدو په سیمه کې  په لسګونو تنه  د واورو لاندې شوي وو چې د ۴۹ تنو مړي موندل شوي دي. ویل کیږي په وژل شوو کسانو کې ښځې او ماشومان هم  شتون لري.

همداشان  د واورو د خویدو  په پایله کې  درې موټرې هم  له منځه تللي دي.

هغه ویلي دي چې د پوځ  په مرسته  په سیمه کې د ژغورنې چارې دوام لري خو د ډیرو زیاتو واورو له امله د خنډ سره مخامخ  دي.

د پاکستان د بلوچستان او خیبرپښتونخوا  په ایالتونو کې  د ډیرو زیاتو واورو د اورښت په نتیجه کې د یو زیات شمیر  ښارونو  او کلو ته غځیدلي  لویې لارې  د ټرافیک پر مخ تړل شوي دي.

په لارو کې  بند پاتې  نږدې ۵۰۰ تنه  د پوځ لخوا ژغورل شوي دي. د ژغورنې په چارو کې  چورلکو هم  ګډون کړی دی.

پدې پيښو کې ګن شمیر کسان ټپیان شوي دي چې  د پوځي چورلکو په مرسته  روغتونونو ته  انتقال شوي دي.



اړوند خبرونه