په پاکستان کې د واورو او بارانونو له امله ۴۱ تنو ژوند د لاسه ورکړی

د پاکستان د بلوچستان  او کشمیر په ایالتونو کې  د تیرې یکشنبې راهیسې  په دوامداره توګه  د وارو د اورښت  په نتیجه کې  د یو زیات شمیر کورونو  چتونه  نړیدلي دي.

په پاکستان کې د واورو او بارانونو له امله ۴۱ تنو ژوند د لاسه ورکړی

 

پدې سیمو کې  د کورونو  د چتونو  د نړیدو  له امله  د مړو شمیره  ۴۱ تنو ته  لوړه شوه.

د بلوچستان  ایالت د ناورین د ادارې  رئیس  عمران زرقون  خبري رسنیو ته ویلي دي چې د تیرې یکشنبې د ورځې راهیسې په سیمه کې  په دوامداره توګه د واروې د اورښت له کبله د یو زیات شمیر کورونو چتونه  نړیدلي دي چې پدې پیښو کې  ۲۲ تنو ژوند د لاسه ورکړی دی.

همداشان  د پاکستان  د ازاد کشمیر ، سند او پنجاب په ایالتونو کې  د واورې او بارانونو  د اورښت  په نتیجه کې  برق کوچونو  او سیلاونو ته  لار هواره کړې ده .

د پاکستان د ناورین د ملي ادارې ریاست  ویلي دي چې په کشمیر کې  د سیلاونو او واورو د خویدو په نتیجه کې  ۱۵ تنو ژوند   د لاسه ورکړی دی. همداشان  د سند او پنجاب په ایالتونو کې هم  ۴ تنه وژل شوي دي.

د پاکستان د بلوچستان او خیبرپښتونخوا  په ایالتونو کې  د ډیرو زیاتو واورو د اورښت په نتیجه کې د یو زیات شمیر  ښارونو  او کلو ته غځیدلي  لویې لارې  د ټرافیک پر مخ تړل شوي دي.

په لارو کې  بند پاتې  نږدې ۵۰۰ تنه  د پوځ لخوا ژغورل شوي دي. د ژغورنې په چارو کې  چورلکو هم  ګډون کړی دی.



اړوند خبرونه