ایران د قاسم سلیماني ځای ناستی وټاکه

د ایران دیني رهبر آیت الله علي خامنه يي  د امریکا لخوا  د قدس د ځواکونو د قومندان  قاسم سلیماني د وژل کیدو نه وروسته  اسماعیل قاآني  د هغه د ځای ناستي په توګه وټاکه.

د ایران  د دیني رهبر د دفتر لخوا د خپور بیان له مخې  د ایران د وسله والو ځواکونو عالی سرقومندان  او دیني رهبر آیت الله علي خامنه يي  د پیاوړي قومندان  قاسم سلیماني د شهادت نه وروسته  د جنرال اسماعیل قاآني  د قدس  د ځواکونو د عمومي قومندان په توګه  وټاکه. په بیان کې راغلي دي چې  جنرال اسماعیل قاآني  د اوږدو کلونو راهیسې  د قدس په ځواکونو  کې  د جنرال سلیماني سره  اوږه په اوږه  خدمت کړی دی.