هندي ځواکونو په پوله کې پر پاکستاني ځواکونو برید کړی
هندي ځواکونو د پاکستان سره په پوله کې د کنټرول په کرښه کې پر پاکستاني ځواکونو برید وکړ چې په پایله کې ۳ تنه پاکستاني سرتیري ووژل شول.
1253075
دا خبره د پاکستان د پوځ د عامه اړیکو دفتر کړې ده .
د پاکستان د پوځ د عامه اړیکو دفتر د بیان په خپرولو سره ویلي دي چې هندوستان د کشمیر مسئلې ته د خلکو پام بل لوري ته د اړولو په خاطر د کنټرول په کرښه کې د پاکستاني ځواکونو پر پوستو برید کړی چې په پایله کې ۳ تنو پاکستاني پوله ساتو ژوند د لاسه ورکړ.
په بیان کې راغلي دي چې پاکستاني لوري هم په هندي لوري ځوابي بریدونه کړي چې په پایله کې ۵ تنه هندي سرتیري وژل شوي او ګڼ شمیر نور ټپیان شوي دي.
په ځوابي بریدونو کې د هندي ځواکونو ځینې پوځي پوستې هم له منځه وړل شوي دي.
په بیان کې ویل شوي دي چې په سیمه کې وخت نا وخته د دواړو خواوو ترمنځه په یو بل ډزې کیږي.