ایران  امریکا متحده ایالتونو استخباراتو ته د جاسوسۍ په تور  یو تن  اعدام  کړ.

د ایران د وسله والو ځواکونو پوځي محکمې  ویلي دي چې  د امریکا استخباراتو  او حکومت ته  د جاسوسۍ په تور د اعدام په سزا محکوم شوی  د ایران د دفاع وزارت د فضايي چارو د ادارې  کارکوونکی  جلال حاجي زیور د پلازمینې تهران  شمال لویدیځ کې  د کرج په سیمه کې د رجايي شار په زندان کې په دار وځوړول شو.

د ایران د پوځي محکمې لخوا د خپور شوي بیان له مخې  زیور  په ۲۰۱۰ کال کې امریکا ته د جاسوسۍ پر تور له دندې ګوښه او زنداني شو. همداشان  د ترلاسه شوو دلایلو او د هغه د اعترافاتو په اساس  نوموړی هیواد ته د خیانت او امریکا ته د جاسوسۍ په تور  تورن کړی شو.

په بیان کې دا ندي ویل شوي دي چې  د ایران پوځي محکمې زیور  څه وخت  په اعدام  محکوم کړ. د ویلو ده چې د زیور پخوانۍ میرمن هم  د جاسوسۍ په تور  ۱۵ کاله په بند محکومه شوې وه.