په پیښور کې د ترهګرو او امنیتي ځواکونو ترمنځه نښته پایته ورسیده
د پاکستان د خیبرپښتونخوا ایالت په مرکز پیښور ښار د حیات آباد په سیمه کې د امنیتي ځواکونو او ترهګرو ترمنځه نښته پایته ورسیده.
ویل کیږي پدې پيښه کې یو تن پولیس ژوند د لاسه ورکړی دی. همداشان پدې پیښه کې ۷ تنه ترهګر هم د امنیتي ځواکونو په ډزو کې وژل شوي دي.
د ویلو ده چې د امنیتي ځواکونو او ترهګرو ترمنځه نښته ۱۷ ساعته مخکې پیل شوې وه چې د ټولو ترهګرو په وژل کیدو سره پایته ورسیده.
د پیښور پولیسو د حیات آباد په اوم فاز کې د ترهګرو په اړه راپور د ترلاسه کولو نه وروسته په یو کور چاپه واچوله.
د پولیسو لخوا په کور د چاپې اچول کیدو نه وروسته د ترهګرو او پولیسو ترمنځه نښته پیل شوه.
نښتې پوره ۱۷ ساته دوام وکړ. پدې نښته کې د پاکستان پوځیانو هم ګډون وکړ. د ترهګرو د لمنځه وړو په خاطر پراخه عملیات پیل شول چې په ترڅ کې یو تن پولیس مړ او ۳ تنه نور ټپيان شول.
سرچینو خبري رسنیو ته ویلي دي چې ترهګرو دا کور یوه میاشت مخکې په کرا نیولی دی. د کور خاوند د هیواد نه بهر اوسیږي.
د یادولو وړ ده چې امنیتي ځواکونو د ټولو ترهګرو د لمنځه وړو او عملیاتو د سرته رسولو نه وروسته دا کور په کامله توګه واوزو.
د پاکستان خبري رسنیو ویلي دي دا لا معلومه نده چې کور د امنیتي ځواکونو لخوا د عملیاتو پر مهال الوزول شوی دی که د چاودیدونکو توکو د چاودنې په پایله کې الوزول شوی دی.
