ترکیه او ایران په ګډه پوله کې ګډ پوځي عملیات  ترسره کوي.

دا خبره  د ایران د کورنیو چارو مرستیال وزیر  حسین زولفقاري  وکړه.

د ایران مرستیال د  کورنیو چارو وزیر  په پلازمینه تهران کې  د پولو د امنیت په اړه خبري غونډې ته معلومات ورکړل.

هغه وویل چې  د پولو د امنیت په برخه کې مو د ترکیې سره  په ګډه  ځینې مهم ګامونه  اوچت کړي دي.

هغه وویل چې  د ترکیې او ایران  پوله ساتي به د پولو د امنیت په خاطر په ګډه پوځي عملیات ترسره کړي. دم ګړۍ  د پولو امنیت  پوره د ډاډ وړ دی او هیڅډول ستونزه شتون نلري.

د ویلو ده چې د ترکیې د کورنیو چارو وزیر سلیمان سویلو د مارچ په شپږمه نیټه  د ایران سره د پولو د امنیت په برخه کې د  همکارۍ  پر اهمیت  ټینګار کړی وو .

هغه ویلي وو چې  انشاالله د ایران سره به په ګډه  د پ ک ک ترهګرې ډلې  پر خلاف په ګډه پوځي عملیات ترسره کړو. دا د اوږدې  مودې راهیسې  د ترکیې  د دولت  غوښتنه وو چې  انشاالله  پر ځای به شي.