پاکستان هندي پیلوټ نن هندي چارواکیو ته سپاري

پاکستان نیولی هندي پیلوټ نن خپل هیواد ته تسلیموي

پاکستان هندي پیلوټ نن هندي چارواکیو ته سپاري

 پاکستان  د هندوستان  د ویشتلې  جنګي  الوتکې  اسیر کړی  پیلوټ  ابهي نندن هندي چارواکیو ته  د تسلیمولو په خاطر  د کلکو امنیتي تدابیر په لړ کې  د راهګه سرحدي سیمې ته  انتقال کړ.

د ویلو ده چې  پاکستان لومړي وزیر  عمران خان  تیره ورځ  د اسیر کړي هندي پیلوټ  د خوشې کولو پریکړه وکړه.

نوموړی  نن د کلکو امنیتي تدابیر لاندې  د واهګه  سرحدي سیمې ته  راوړل شو.

هندي پیلوټ ابهي نندن د واهګه  په پوله کې  هندي چارواکیو  ته  وسپارل شو.

پاکستان  د تیرې چارشنبې پر وړاندې  هندي  پیلوټ  هله اسیر کړل چې  الوتکه  د ویشتل کیدو نه وروسته د پاکستان په خاوره کې  ولویده.

پاکستان  د بهرنیو چارو وزیر شاه محمود قریشي پرون  وویل چې  د هندي پیلوټ سره  د نړۍوالو قوانینو او بشري حقونو په مطابق  چلند شوی دی. د هغه درملنه شوې  او هر ډول اړتیا يي پوره شوي دي.

د پاکستان  لومړي وزیر عمران خان تیره ورځ  پارلمان ته په وینا کې وویل چې  هندي پیلوټ به  خوشې او د جمعې  پر ورځ به هندوستان ته  وسپارل شي.

د هندي پیلوټ  د هر کلي په خاطر په زرګونو تنه  د واهګه  په سرحدي سیمه کې راټول شوي وو.



اړوند خبرونه