د پاکستان  د بلوچستان  په ایالت کې په امنیتي ځواکونو بمي برید وشو.

د پاکستان  د بلوچستان  په ایالت کې په امنیتي ځواکونو بمي برید وشو.

د ترلاسه شوي رپوټ له مخې  د بلوچستان ایالت د سانګان  په سیمه کې  په امنیتي ځواکونو  چاودنه وشوه.

په چاودنه کې دوو تنو سرتیرو ژوند  د لاسه ورکړ.

د سانګان  د سیمې د پولیسو مشر خبري رسنیو ته ویلي دي چې  د امنیتي ځواکونو د موټر ترڅنګ چاودنه وشوه.

هغه ویلي دي چې بم د مخکې نه د سړک په غاړه  کې ځای په ځای شوی وو.

هغه ویلي دي چې پدې پيښه کې  ۲ تنه سرتیري مړه  او ۳ تنه نور ټپیان شوي دي.

د پولیسو د مشر په وینا  د پیښې نه وروسته سمدلاسه  د ژغورنې او روغتیايي ډلې سیمې ته راورسیدې او د پیښې ټپيان يي نږدې روغتونونو ته انتقال کړل.

امنیتي ځواکونو  په سیمه کې  پراخه  د پلټنې عملیات پيل کړي دي.

د برید مسئولیت  تر اوسه پورې چا په غاړه ندی اخیستی.