پیښور کې چاودنه وشوه

د پاکستان د خیبرپښتونخوا په مرکز  پیښور ښار کې چاودنه وشوه.

د پیښور  د رینګ روډ  د شینواري ټاون په سیمه کې  د ایک نجي  په نامه  د روغتون ترڅنګ  زوروره چاودنه وشوه.

د پیښور نه په رارسیدلي رپوټ کې ویل  شوي دي چې  پدې پیښه کې  لږ تر لږه  ۵ تنه ټپیان شوي دي.

د پیښې ټپیان نږدې روغتونونو ته انتقال او د درمنلې لاندې نیول شوي دي.

پولیسو ویلي دي چې  ترهګرو  په سیمه کې  د مخې نه  چاودیدونکي توکي ځای په ځای کړي وو چې وروسته چاودنه وشوه.

د پيښور د لیډې ریډنګ  روغتون ډاکټرانو ویلي دي چې د نوموړې پیښې د ټپیانو روغتیايي حالت  د اندیښنې وړ ندی.